म्हारा मुनिराज जी ओ आपरी महिमा अपरम्पार Lyrics, Video, Bhajan, Bhakti Songs
म्हारा मुनिराज जी ओ आपरी महिमा अपरम्पार Lyrics, Video, Bhajan, Bhakti Songs

म्हारा मुनिराज जी ओ आपरी महिमा अपरम्पार लिरिक्स

Mhara Muniraj Ji O Aapri Mahima Aparampar

म्हारा मुनिराज जी ओ आपरी महिमा अपरम्पार लिरिक्स (हिन्दी)

महिमा अपरम्पार आपरी,
लीला अपरम्पार,
म्हारा मुनिराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

संवत 1857 अमरकोट में प्रगटिया,
खुशियां छाई राजा रामसिंह घर,
मन ही मन हर्षायो,
मन ही मन हर्षायो मुनिजी,
कुमकुम पगलिया मंडिया घर में ओ हो,
कुमकुम पगलिया मंडिया घर में,
सखिया मंगल गाया,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

जुना टिपणा जोशी जोया,
जोहरसिंह नाम धरायो,
शिव भक्ति रो पद पावेला,
आगम बात बताया,
आगम बात बताया जोशीजी,
दुनिया में असरज काम करेला ओ हो,
दुनिया में असरज काम करेला,
समझो बात रो साहारो,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

बालपणा में परचा दीदा,
चमत्कार दिखलाया,
आंधा ने आंखीया दिया,
पांगलिया ने पगे चलाया,
जात पात भेदभाव मिटायो,
सबरी साहाय कराया,
सबरी साहाय कराया मुनिवर,
सबरी साहाय कराया,
भोला भक्ता री विनती सुनने ओ हो,
भोला भक्ता री विनती सुनने,
भवसु पार लगाया,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

आबुराज संतों री धरती,
ओ भक्ति रो प्रमाण,
वास्तानजी धाम पावन,
शिव में मिलायो प्राण,
विधि-विधान रो घटणाक्रम है,
ओ केडो दिन महान,
ओ केडो दिन महान मुनिजी,
ओ केडो दिन महान,
आबुराज वास्तानजी आया ओ हो,
आबुराज वास्तानजी आया,
एक दुगा री लार,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

See also  नारायण आया पावणा परमेश्वर आया पावणा Lyrics, Video, Bhajan, Bhakti Songs

अरे पौष महिनो सातम कईजे,
वार ने गुरुवार,
जीव शिव में आप मिलायो,
जन्म मरण रो साहर,
सिरोही नगरी मेलों मसीयो,
साधु संत नर नार,
साधु संत नर नार मुनिजी,
साधु संत नर नार,
गली-गली में सोर मसियो ओ हो,
गली गली में सोर मसियो,
बीलके है नर नार,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

वास्तानजी में समाधि देराया,
शिव शरण रे माऐ,
आबुराज री तपो भुमि में,
संतो रो विश्वास,
इन धरती में वास आपरों,
इन धरती में वास,
इन धरती में वास मुनिराज,
इन धरती में वास,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

दिपक गिरीजी शरणे आपरी,
सत मन ध्यान लगावे,
बग गांव रा भक्त आपरा,
शरणा शीश नवावै,
सिरोही पाली रा भक्त आपरे,
शरणे धोग लगावे,
शरणे धोग लगावे गुरुजी,
आपरें शरणें धोग लगावे,
लिखे नगाराम महिमा वखोणि ओ हो,
लिखे नगाराम महिमा वखोणि,
महेन्द्र सिंह गुण गायो,
म्हारा मुनीराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

महिमा अपरम्पार आपरी,
लीला अपरम्पार,
म्हारा मुनिराज जी ओ,
आपरी महिमा अपरम्पार,
शमशेर गिरी जी ओ,
आपरी लीला अपरम्पार।।

म्हारा मुनिराज जी ओ आपरी महिमा अपरम्पार Video

म्हारा मुनिराज जी ओ आपरी महिमा अपरम्पार Video

गायक महेंद्र सिंह राठौड़ प्रियंका चौहान।
Writer Nagaram Choudhary
8618217428

Browse all bhajans by mahendra singh ji rathor

Recent Posts

Janm Diyo Thari Maa Dukh Dekhiyo Lyrics in Hindi & Meaning

जन्म दियो थारी माँ दुख देखियो (Maa’s Grief Upon Birthing You) This soul-stirring Chetavani Bhajan (admonitory hymn) is addressed to the Divine Mother (Maa) – a call for repentance when children forget their filial duties in the dark age…

Bhadi Sabha Mein Thane Manaun Lyrics in Hindi & Meaning

Bhadi Sabha Mein Thane Manaun: Invoking the Spear-Wielding Mother Mata Bhawani (श्री ज्वाला भवानी), the fiery manifestation of Shakti worshipped as the Protector of Dharma in Her Dhaulagarh sanctum. Origin & Spiritual Essence Composed in Rajasthani folk tradition by…

Maat Meri Chintapurni Lyrics in Hindi & Meaning

Maat Meri Chintapurni is a heartfelt devotional prayer dedicated to Maa Chintapurni, a form of the Divine Mother. She is revered as the remover of worries and the granter of wishes, especially venerated in the Himalayan region of Himachal…

थारी रे नदियां का ढावा पे खीची राजा Lyrics & Meaning

खीची राजा का अद्भुत युद्ध: एक शौर्य गाथा यह भजन एक पौराणिक या ऐतिहासिक शूरवीर राजा की वीरता का वर्णन करता है, जो प्रायः गुजराती लोक संस्कृति में लोककथाओं का हिस्सा है। इसकी रचना दुर्गेश कटारा ने की है…