श्री हनुमान चालीसा हिंदी Lyrics, Video, Bhajan, Bhakti Songs
श्री हनुमान चालीसा हिंदी Lyrics, Video, Bhajan, Bhakti Songs

श्री हनुमान चालीसा हिंदी लिरिक्स

Hanuman Chalisa In Hindi

श्री हनुमान चालीसा हिंदी लिरिक्स (हिन्दी)

श्री हनुमान चालीसा हिंदी लिरिक्स,

दोहा

श्रीगुरु चरन सरोज रज,
निज मनु मुकुरु सुधारि।
बरनउँ रघुबर बिमल जसु,
जो दायकु फल चारि।।

बुद्धिहीन तनु जानिके,
सुमिरौं पवन कुमार,
बल बुद्धि विद्या देहु मोहि,
हरहु कलेश विकार।।

चौपाई

जय हनुमान ज्ञान गुन सागर,
जय कपीस तिहुँ लोक उजागर।।१।।

राम दूत अतुलित बल धामा,
अंजनि पुत्र पवनसुत नामा।।२।।

महाबीर बिक्रम बजरंगी,
कुमति निवार सुमति के संगी।।३।।

कंचन बरन बिराज सुबेसा,
कानन कुंडल कुँचित केसा।।४।।

हाथ बज्र अरु ध्वजा बिराजे,
काँधे मूँज जनेऊ साजे।।५।।

शंकर सुवन केसरी नंदन,
तेज प्रताप महा जगवंदन।।६।।

विद्यावान गुनी अति चातुर,
राम काज करिबे को आतुर।।७।।

प्रभु चरित्र सुनिबे को रसिया,
राम लखन सीता मनबसिया।।८।।

सूक्ष्म रूप धरि सियहि दिखावा,
विकट रूप धरि लंक जरावा।।९।।

भीम रूप धरि असुर सँहारे,
रामचंद्र के काज सवाँरे।।१०।।

लाय सजीवन लखन जियाए,
श्री रघुबीर हरषि उर लाए।।११।।

रघुपति कीन्ही बहुत बड़ाई,
तुम मम प्रिय भरत सम भाई।।१२।।

सहस बदन तुम्हरो जस गावै,
अस कहि श्रीपति कंठ लगावै।।१३।।

सनकादिक ब्रह्मादि मुनीसा,
नारद सारद सहित अहीसा।।१४।।

जम कुबेर दिगपाल जहाँ ते,
कवि कोविद कहि सके कहाँ ते।।१५।।

तुम उपकार सुग्रीवहि कीन्हा,
राम मिलाय राज पद दीन्हा।।१६।।

तुम्हरो मंत्र बिभीषण माना,
लंकेश्वर भये सब जग जाना।।१७।।

जुग सहस्त्र जोजन पर भानू,
लिल्यो ताहि मधुर फ़ल जानू।।१८।।

प्रभु मुद्रिका मेलि मुख माही,
जलधि लाँघि गए अचरज नाही।।१९।।

दुर्गम काज जगत के जेते,
सुगम अनुग्रह तुम्हरे तेते।।२०।।

राम दुआरे तुम रखवारे,
होत ना आज्ञा बिनु पैसारे।।२१।।

सब सुख लहैं तुम्हारी सरना,
तुम रक्षक काहु को डरना।।२२।।

आपन तेज सम्हारो आपै,
तीनों लोक हाँक तै कापै।।२३।।

भूत पिशाच निकट नहि आवै,
महावीर जब नाम सुनावै।।२४।।

नासै रोग हरे सब पीरा,
जपत निरंतर हनुमत बीरा।।२५।।

संकट तै हनुमान छुडावै,
मन क्रम वचन ध्यान जो लावै।।२६।।

सब पर राम तपस्वी राजा,
तिनके काज सकल तुम साजा।।२७।।

और मनोरथ जो कोई लावै,
सोई अमित जीवन फल पावै।।२८।।

चारों जुग परताप तुम्हारा,
है परसिद्ध जगत उजियारा।।२९।।

साधु संत के तुम रखवारे,
असुर निकंदन राम दुलारे।।३०।।

अष्ट सिद्धि नौ निधि के दाता,
अस बर दीन जानकी माता।।३१।।

राम रसायन तुम्हरे पासा,
सदा रहो रघुपति के दासा।।३२।।

तुम्हरे भजन राम को पावै,
जनम जनम के दुख बिसरावै।।३३।।

अंतकाल रघुवरपुर जाई,
जहाँ जन्म हरिभक्त कहाई।।३४।।

और देवता चित्त ना धरई,
हनुमत सेई सर्व सुख करई।।३५।।

संकट कटै मिटै सब पीरा,
जो सुमिरै हनुमत बलबीरा।।३६।।

जै जै जै हनुमान गुसाईँ,
कृपा करहु गुरु देव की नाई।।३७।।

जो सत बार पाठ कर कोई,
छूटहि बंदि महा सुख होई।।३८।।

जो यह पढ़े हनुमान चालीसा,
होय सिद्ध साखी गौरीसा।।३९।।

तुलसीदास सदा हरि चेरा,
कीजै नाथ हृदय मह डेरा।।४०।।

दोहा

पवन तनय संकट हरन,
मंगल मूरति रूप।
राम लखन सीता सहित,
हृदय बसहु सुर भूप।।

सम्पूर्ण सुन्दरकाण्ड यहाँ देखे ✏

Download PDF (श्री हनुमान चालीसा हिंदी )

Download the PDF of song ‘Hanuman Chalisa In Hindi’.

Download PDF: श्री हनुमान चालीसा हिंदी

Hanuman Chalisa In Hindi Lyrics (English Transliteration)

shrI hanumAna chAlIsA hiMdI liriksa,

dohA

shrIguru charana saroja raja,
nija manu mukuru sudhAri|
baranau.N raghubara bimala jasu,
jo dAyaku phala chAri||

buddhihIna tanu jAnike,
sumirauM pavana kumAra,
bala buddhi vidyA dehu mohi,
harahu kalesha vikAra||

chaupAI

jaya hanumAna j~nAna guna sAgara,
jaya kapIsa tihu.N loka ujAgara||1||

rAma dUta atulita bala dhAmA,
aMjani putra pavanasuta nAmA||2||

mahAbIra bikrama bajaraMgI,
kumati nivAra sumati ke saMgI||3||

kaMchana barana birAja subesA,
kAnana kuMDala ku.Nchita kesA||4||

hAtha bajra aru dhvajA birAje,
kA.Ndhe mU.Nja janeU sAje||5||

shaMkara suvana kesarI naMdana,
teja pratApa mahA jagavaMdana||6||

vidyAvAna gunI ati chAtura,
rAma kAja karibe ko Atura||7||

prabhu charitra sunibe ko rasiyA,
rAma lakhana sItA manabasiyA||8||

sUkShma rUpa dhari siyahi dikhAvA,
vikaTa rUpa dhari laMka jarAvA||9||

bhIma rUpa dhari asura sa.NhAre,
rAmachaMdra ke kAja savA.Nre||10||

lAya sajIvana lakhana jiyAe,
shrI raghubIra haraShi ura lAe||11||

raghupati kInhI bahuta baDa़AI,
tuma mama priya bharata sama bhAI||12||

sahasa badana tumharo jasa gAvai,
asa kahi shrIpati kaMTha lagAvai||13||

sanakAdika brahmAdi munIsA,
nArada sArada sahita ahIsA||14||

jama kubera digapAla jahA.N te,
kavi kovida kahi sake kahA.N te||15||

tuma upakAra sugrIvahi kInhA,
rAma milAya rAja pada dInhA||16||

tumharo maMtra bibhIShaNa mAnA,
laMkeshvara bhaye saba jaga jAnA||17||

juga sahastra jojana para bhAnU,
lilyo tAhi madhura pha़la jAnU||18||

prabhu mudrikA meli mukha mAhI,
jaladhi lA.Nghi gae acharaja nAhI||19||

durgama kAja jagata ke jete,
sugama anugraha tumhare tete||20||

rAma duAre tuma rakhavAre,
hota nA Aj~nA binu paisAre||21||

saba sukha lahaiM tumhArI saranA,
tuma rakShaka kAhu ko DaranA||22||

Apana teja samhAro Apai,
tInoM loka hA.Nka tai kApai||23||

bhUta pishAcha nikaTa nahi Avai,
mahAvIra jaba nAma sunAvai||24||

nAsai roga hare saba pIrA,
japata niraMtara hanumata bIrA||25||

saMkaTa tai hanumAna ChuDAvai,
mana krama vachana dhyAna jo lAvai||26||

saba para rAma tapasvI rAjA,
tinake kAja sakala tuma sAjA||27||

aura manoratha jo koI lAvai,
soI amita jIvana phala pAvai||28||

chAroM juga paratApa tumhArA,
hai parasiddha jagata ujiyArA||29||

sAdhu saMta ke tuma rakhavAre,
asura nikaMdana rAma dulAre||30||

aShTa siddhi nau nidhi ke dAtA,
asa bara dIna jAnakI mAtA||31||

rAma rasAyana tumhare pAsA,
sadA raho raghupati ke dAsA||32||

tumhare bhajana rAma ko pAvai,
janama janama ke dukha bisarAvai||33||

aMtakAla raghuvarapura jAI,
jahA.N janma haribhakta kahAI||34||

aura devatA chitta nA dharaI,
hanumata seI sarva sukha karaI||35||

saMkaTa kaTai miTai saba pIrA,
jo sumirai hanumata balabIrA||36||

jai jai jai hanumAna gusAI.N,
kRRipA karahu guru deva kI nAI||37||

jo sata bAra pATha kara koI,
ChUTahi baMdi mahA sukha hoI||38||

jo yaha paDha़e hanumAna chAlIsA,
hoya siddha sAkhI gaurIsA||39||

tulasIdAsa sadA hari cherA,
kIjai nAtha hRRidaya maha DerA||40||

dohA

pavana tanaya saMkaTa harana,
maMgala mUrati rUpa|
rAma lakhana sItA sahita,
hRRidaya basahu sura bhUpa||

sampUrNa sundarakANDa yahA.N dekhe ✏

श्री हनुमान चालीसा हिंदी Video

श्री हनुमान चालीसा हिंदी Video

Browse all bhajans by shahanaj akhatar

Browse Temples in India