हरे घास री रोटी ही जद बन बिलावड़ो ले भाग्यो लिरिक्स
Hare Ghas Ki Roti In Hindi
हरे घास री रोटी ही जद बन बिलावड़ो ले भाग्यो लिरिक्स (हिन्दी)
हरे घास री रोटी ही,
जद बन बिलावड़ो ले भाग्यो,
नन्हो सो अमर्यो चीख पड्यो,
राणा रो सोयो दुख जाग्यो।।
हूँ लड्यो घणो हूँ सह्यो घणो,
मेवाड़ी मान बचावण ने,
हूँ पाछ नहीं राखी रण में
बैरा रो खून बहावण में,
जद याद करूँ हळदीघाटी,
नैणा में रगत उतर आवै,
सुख दुख रो साथी चेतकड़ो,
सूती सी हूक जगा ज्यावै,
पण आज बिलखतो देखूं हूँ,
जद राज कंवर ने रोटी ने,
तो क्षात्र धरम नै भूलूं हूँ
भूलूं हिंदवाणी चोटी ने,
महला में छप्पन भोग जका,
मनवार बिनां करता कोनी,
सोनै री थाल्यां नीलम रे,
बाजोट बिनां धरता कोनी,
ऐ हाय जका करता पगल्या
फूलां री कंवळी सेजां पर,
बै आज रुळै भूखा तिसिया,
हिंदवाणै सूरज रा टाबर,
आ सोच हुई दो टूक तड़क,
राणा री भीम बजर छाती,
आंख्यां में पानी भर बोल्या,
मैं लिखस्यूं अकबर ने पाती,
पण लिखूं कियां जद देखै है,
आडावळ ऊंचो हियो लियां,
चितौड़ खड्यो है मगरां में,
विकराळ भूत सी लियां छियां,
मैं झुकूं कियां ? है आण मनैं,
कुळ रा केसरिया बानां री,
मैं बुझूं कियां ? हूं सेस लपट,
आजादी रै रखवाला री,
पण फेर अमर री सुण बुसक्यां,
राणा रो हिवड़ो भर आयो,
मैं मानूं हूँ दिल्लीस तनैं,
समराट् सनेशो कैवायो।।
राणा रो कागद बांच हुयो,
अकबर रो’ सपनूं सो सांचो,
पण नैण कर्यो बिसवास नहीं,
जद बांच नै फिर बांच्यो,
कै आज हिंमाळो पिघळ बह्यो,
कै आज हुयो सूरज सीतळ,
कै आज सेस रो सिर डोल्यो
आ सोच हुयो समराट् विकळ,
बस दूत इसारो पा भाज्यो,
पीथळ नै तुरत बुलावण नै,
किरणां रो पीथळ आ पूग्यो,
ओ सांचो भरम मिटावण नै,
बीं वीर बांकुड़ै पीथळ नै
रजपूती गौरव भारी हो,
बो क्षात्र धरम रो नेमी हो
राणा रो प्रेम पुजारी हो,
बैर्यां रै मन रो कांटो हो,
बीकाणूँ पूत खरारो हो,
राठौड़ रणां में रातो हो,
बस सागी तेज दुधारो हो,
आ बात पातस्या जाणै हो
घावां पर लूण लगावण नै,
पीथळ नै तुरत बुलायो हो
राणा री हार बंचावण नै,
म्है बाँध लियो है पीथळ सुण,
पिंजरै में जंगळी शेर पकड़,
ओ देख हाथ रो कागद है,
तूं देखां फिरसी कियां अकड़ ?
मर डूब चळू भर पाणी में
बस झूठा गाल बजावै हो,
पण टूट गयो बीं राणा रो
तूं भाट बण्यो बिड़दावै हो,
मैं आज पातस्या धरती रो,
मेवाड़ी पाग पगां में है,
अब बता मनै किण रजवट रै,
रजपती खून रगां में है ?
जंद पीथळ कागद ले देखी
राणा री सागी सैनाणी,
नीचै स्यूं धरती खसक गई
आंख्यां में आयो भर पाणी,
पण फेर कही ततकाळ संभळ,
आ बात सफा ही झूठी है,
राणा री पाघ सदा ऊँची,
राणा री आण अटूटी है।
ल्यो हुकम हुवै तो लिख पूछूं
राणा नै कागद रै खातर,
लै पूछ भलांई पीथळ तूं
आ बात सही बोल्यो अकबर,
म्हे आज सुणी है नाहरियो
स्याळां रै सागै सोवै लो,
म्हे आज सुणी है सूरजड़ो
बादळ री ओटां खोवैलो;
म्हे आज सुणी है चातगड़ो
धरती रो पाणी पीवै लो,
म्हे आज सुणी है हाथीड़ो
कूकर री जूणां जीवै लो
म्हे आज सुणी है थकां खसम
अब रांड हुवैली रजपूती,
म्हे आज सुणी है म्यानां में
तरवार रवैली अब सूती,
तो म्हांरो हिवड़ो कांपै है,
मूंछ्यां री मोड़ मरोड़ गई,
पीथळ नै राणा लिख भेज्यो,
आ बात कठै तक गिणां सही ?
पीथळ रा आखर पढ़तां ही
राणा री आँख्यां लाल हुई,
धिक्कार मनै हूँ कायर हूँ
नाहर री एक दकाल हुई,
हूँ भूख मरूं हूँ प्यास मरूं
मेवाड़ धरा आजाद रवै
हूँ घोर उजाड़ां में भटकूं
पण मन में मां री याद रवै,
हूँ रजपूतण रो जायो हूं,
रजपूती करज चुकाऊंला,
ओ सीस पड़ै पण पाघ नही,
दिल्ली रो मान झुकाऊंला,
पीथळ के खिमता बादल री
जो रोकै सूर उगाळी नै,
सिंघां री हाथळ सह लेवै
बा कूख मिली कद स्याळी नै?
धरती रो पाणी पिवै इसी
चातग री चूंच बणी कोनी,
कूकर री जूणां जिवै इसी
हाथी री बात सुणी कोनी,
आं हाथां में तलवार थकां
कुण रांड़ कवै है रजपूती ?
म्यानां रै बदळै बैर्यां री
छात्याँ में रैवैली सूती,
मेवाड़ धधकतो अंगारो,
आंध्यां में चमचम चमकै लो,
कड़खै री उठती तानां पर,
पग पग पर खांडो खड़कैलो,
राखो थे मूंछ्याँ ऐंठ्योड़ी
लोही री नदी बहा द्यूंला,
हूँ अथक लडूंला अकबर स्यूँ
उजड्यो मेवाड़ बसा द्यूंला,
जद राणा रो संदेश गयो,
पीथळ री छाती दूणी ही,
हिंदवाणों सूरज चमकै हो,
अकबर री दुनियां सूनी ही।।
हरे घास री रोटी ही,
जद बन बिलावड़ो ले भाग्यो,
नन्हो सो अमर्यो चीख पड्यो,
राणा रो सोयो दुख जाग्यो।।
स्वर प्रकाश माली।
प्रेषक कुलदीप मेनारिया,
9799294907
Download PDF (हरे घास री रोटी ही जद बन बिलावड़ो ले भाग्यो )
Download the PDF of song ‘Hare Ghas Ki Roti In Hindi’.
Download PDF: हरे घास री रोटी ही जद बन बिलावड़ो ले भाग्यो
Hare Ghas Ki Roti In Hindi Lyrics (English Transliteration)
hare ghAsa rI roTI hI,
jada bana bilAvaDa़o le bhAgyo,
nanho so amaryo chIkha paDyo,
rANA ro soyo dukha jAgyo||
hU.N laDyo ghaNo hU.N sahyo ghaNo,
mevADa़I mAna bachAvaNa ne,
hU.N pACha nahIM rAkhI raNa meM
bairA ro khUna bahAvaNa meM,
jada yAda karU.N haLadIghATI,
naiNA meM ragata utara Avai,
sukha dukha ro sAthI chetakaDa़o,
sUtI sI hUka jagA jyAvai,
paNa Aja bilakhato dekhUM hU.N,
jada rAja kaMvara ne roTI ne,
to kShAtra dharama nai bhUlUM hU.N
bhUlUM hiMdavANI choTI ne,
mahalA meM Chappana bhoga jakA,
manavAra binAM karatA konI,
sonai rI thAlyAM nIlama re,
bAjoTa binAM dharatA konI,
ai hAya jakA karatA pagalyA
phUlAM rI kaMvaLI sejAM para,
bai Aja ruLai bhUkhA tisiyA,
hiMdavANai sUraja rA TAbara,
A socha huI do TUka taDa़ka,
rANA rI bhIma bajara ChAtI,
AMkhyAM meM pAnI bhara bolyA,
maiM likhasyUM akabara ne pAtI,
paNa likhUM kiyAM jada dekhai hai,
ADAvaLa UMcho hiyo liyAM,
chitauDa़ khaDyo hai magarAM meM,
vikarALa bhUta sI liyAM ChiyAM,
maiM jhukUM kiyAM ? hai ANa manaiM,
kuLa rA kesariyA bAnAM rI,
maiM bujhUM kiyAM ? hUM sesa lapaTa,
AjAdI rai rakhavAlA rI,
paNa phera amara rI suNa busakyAM,
rANA ro hivaDa़o bhara Ayo,
maiM mAnUM hU.N dillIsa tanaiM,
samarAT sanesho kaivAyo||
rANA ro kAgada bAMcha huyo,
akabara ro’ sapanUM so sAMcho,
paNa naiNa karyo bisavAsa nahIM,
jada bAMcha nai phira bAMchyo,
kai Aja hiMmALo pighaLa bahyo,
kai Aja huyo sUraja sItaLa,
kai Aja sesa ro sira Dolyo
A socha huyo samarAT vikaLa,
basa dUta isAro pA bhAjyo,
pIthaLa nai turata bulAvaNa nai,
kiraNAM ro pIthaLa A pUgyo,
o sAMcho bharama miTAvaNa nai,
bIM vIra bAMkuDa़ai pIthaLa nai
rajapUtI gaurava bhArI ho,
bo kShAtra dharama ro nemI ho
rANA ro prema pujArI ho,
bairyAM rai mana ro kAMTo ho,
bIkANU.N pUta kharAro ho,
rAThauDa़ raNAM meM rAto ho,
basa sAgI teja dudhAro ho,
A bAta pAtasyA jANai ho
ghAvAM para lUNa lagAvaNa nai,
pIthaLa nai turata bulAyo ho
rANA rI hAra baMchAvaNa nai,
mhai bA.Ndha liyo hai pIthaLa suNa,
piMjarai meM jaMgaLI shera pakaDa़,
o dekha hAtha ro kAgada hai,
tUM dekhAM phirasI kiyAM akaDa़ ?
mara DUba chaLU bhara pANI meM
basa jhUThA gAla bajAvai ho,
paNa TUTa gayo bIM rANA ro
tUM bhATa baNyo biDa़dAvai ho,
maiM Aja pAtasyA dharatI ro,
mevADa़I pAga pagAM meM hai,
aba batA manai kiNa rajavaTa rai,
rajapatI khUna ragAM meM hai ?
jaMda pIthaLa kAgada le dekhI
rANA rI sAgI sainANI,
nIchai syUM dharatI khasaka gaI
AMkhyAM meM Ayo bhara pANI,
paNa phera kahI tatakALa saMbhaLa,
A bAta saphA hI jhUThI hai,
rANA rI pAgha sadA U.NchI,
rANA rI ANa aTUTI hai|
lyo hukama huvai to likha pUChUM
rANA nai kAgada rai khAtara,
lai pUCha bhalAMI pIthaLa tUM
A bAta sahI bolyo akabara,
mhe Aja suNI hai nAhariyo
syALAM rai sAgai sovai lo,
mhe Aja suNI hai sUrajaDa़o
bAdaLa rI oTAM khovailo;
mhe Aja suNI hai chAtagaDa़o
dharatI ro pANI pIvai lo,
mhe Aja suNI hai hAthIDa़o
kUkara rI jUNAM jIvai lo
mhe Aja suNI hai thakAM khasama
aba rAMDa huvailI rajapUtI,
mhe Aja suNI hai myAnAM meM
taravAra ravailI aba sUtI,
to mhAMro hivaDa़o kAMpai hai,
mUMChyAM rI moDa़ maroDa़ gaI,
pIthaLa nai rANA likha bhejyo,
A bAta kaThai taka giNAM sahI ?
pIthaLa rA Akhara paDha़tAM hI
rANA rI A.NkhyAM lAla huI,
dhikkAra manai hU.N kAyara hU.N
nAhara rI eka dakAla huI,
hU.N bhUkha marUM hU.N pyAsa marUM
mevADa़ dharA AjAda ravai
hU.N ghora ujADa़AM meM bhaTakUM
paNa mana meM mAM rI yAda ravai,
hU.N rajapUtaNa ro jAyo hUM,
rajapUtI karaja chukAUMlA,
o sIsa paDa़ai paNa pAgha nahI,
dillI ro mAna jhukAUMlA,
pIthaLa ke khimatA bAdala rI
jo rokai sUra ugALI nai,
siMghAM rI hAthaLa saha levai
bA kUkha milI kada syALI nai?
dharatI ro pANI pivai isI
chAtaga rI chUMcha baNI konI,
kUkara rI jUNAM jivai isI
hAthI rI bAta suNI konI,
AM hAthAM meM talavAra thakAM
kuNa rAMDa़ kavai hai rajapUtI ?
myAnAM rai badaLai bairyAM rI
ChAtyA.N meM raivailI sUtI,
mevADa़ dhadhakato aMgAro,
AMdhyAM meM chamachama chamakai lo,
kaDa़khai rI uThatI tAnAM para,
paga paga para khAMDo khaDa़kailo,
rAkho the mUMChyA.N aiMThyoDa़I
lohI rI nadI bahA dyUMlA,
hU.N athaka laDUMlA akabara syU.N
ujaDyo mevADa़ basA dyUMlA,
jada rANA ro saMdesha gayo,
pIthaLa rI ChAtI dUNI hI,
hiMdavANoM sUraja chamakai ho,
akabara rI duniyAM sUnI hI||
hare ghAsa rI roTI hI,
jada bana bilAvaDa़o le bhAgyo,
nanho so amaryo chIkha paDyo,
rANA ro soyo dukha jAgyo||
svara prakAsha mAlI|
preShaka kuladIpa menAriyA,
9799294907
हरे घास री रोटी ही जद बन बिलावड़ो ले भाग्यो Video
हरे घास री रोटी ही जद बन बिलावड़ो ले भाग्यो Video