म्हारा वरणीया रा गोगाजी महाराज हो Lyrics, Video, Bhajan, Bhakti Songs
Receive daily temple updates, divine darshan, and morning bhajans directly on WhatsApp.
Contents
म्हारा वरणीया रा गोगाजी महाराज हो लिरिक्स
Mahara Varniya Ra Gogaji Maharaj
म्हारा वरणीया रा गोगाजी महाराज हो लिरिक्स (हिन्दी)
म्हारा वरणीया रा गोगाजी महाराज हो,
थाने पुजु बारम्बार,
म्हारा पियाला वासक देवता हो,
थोरो जग में मोटो नाम,
देताकला में आप बिराजो,
भगतो पे छत्तर छाया राखजो,
मै लेवा गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
अरे जालौर सायला मायने हो,
म्हारा गोगाजी रो धाम,
देता गांव रे मायने ओ,
मोटो गोगाजी रो धाम,
आरतियां निज धाम में होवे,
झालर शंख नगाड़ा बाजे,
मै लेवा गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
अरे नवमी रो दिन है आपरो रे,
कोई ज्येष्ठ रो महीना माय,
अरे आसोज नवमी रो मेलो भरीजे,
ओ दर्शन आवे नर नार,
भगत मन मे आस ए लावे,
गोगाजी सबरी आस पुरावै,
मै लेवा गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
अरे गोगा नम ने मात गुगरी रो,
कहिजे ओ रिवाज,
अरे गोगाजी री ज्योत जगावसु रे,
देवु मै घिरत पुराय,
अरे दूर देशारा भगत आवे,
चांदी रा ए छत्तर चढावे,
लेवे गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
अरे जग माई परचा मोकला रे,
ए पड रया अनंत अपार,
जो नर ए ध्यावे भाव सु रे,
करे गोगाजी बेडा पार,
अरे ललित राजपुरोहित शरना में आवे,
गोगाजी ने शिश निवावे,
मै लेवा गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
📖 Related: तेरा क्या मुझसे नाता क्यों इतना प्यार लुटाता Lyrics, Video, Bhajan, Bhakti Songs
ए बाबूगिरी जी करे सेवना हो,
थाने नित उठ जोडे हाथ,
ए साथुआ जेठाजी राजपुरोहित परिवार ओ,
थाने सिवरे बारम्बार,
मनीष सीरवी चरना मे आवे,
भवानी कोलू वालो शिश निवावे,
करदो भवसु पार देवा,
रक्षा करजो ओ,
थारी बोला जय जयकार गोगाजी,
हाजिर रहीजो ओ।।
म्हारा वरणीया रा गोगाजी महाराज हो,
थाने पुजु बारम्बार,
म्हारा पियाला वासक देवता हो,
थोरो जग में मोटो नाम,
देताकला में आप बिराजो,
भगतो पे छत्तर छाया राखजो,
मै लेवा गोगाजी रो नाम,
देवा रक्षा करजो हो,
थारी बोला जय जयकार गोगाजी,
हाजिर रहीजो ओ।।
गायक भवानी सिंह जी राजपुरोहित कोलू।
लेखक मनीष सीरवी।
रायपुर जिला ब्यावर राजस्थान।
म्हारा वरणीया रा गोगाजी महाराज हो Video
म्हारा वरणीया रा गोगाजी महाराज हो Video