महिषासुर मर्दिनी स्तोत्रम लिरिक्स
mahishasur mardini stotram
महिषासुर मर्दिनी स्तोत्रम लिरिक्स (हिन्दी)
अयि गिरिनन्दिनि नन्दितमेदिनि विश्वविनोदिनि नन्दिनुते
गिरिवरविन्ध्यशिरोऽधिनिवासिनि विष्णुविलासिनि जिष्णुनुते ।
भगवति हे शितिकण्ठकुटुम्बिनि भूरिकुटुम्बिनि भूरिकृते
जय जय हे महिषासुरमर्दिनि रम्यकपर्दिनि शैलसुते ॥ १ ॥
सुरवरवर्षिणि दुर्धरधर्षिणि दुर्मुखमर्षिणि हर्षरते
त्रिभुवनपोषिणि शङ्करतोषिणि किल्बिषमोषिणि घोषरते
दनुजनिरोषिणि दितिसुतरोषिणि दुर्मदशोषिणि सिन्धुसुते
जय जय हे महिषासुरमर्दिनि रम्यकपर्दिनि शैलसुते ॥ २ ॥
अयि जगदम्ब मदम्ब कदम्ब वनप्रियवासिनि हासरते
शिखरि शिरोमणि तुङ्गहिमलय शृङ्गनिजालय मध्यगते ।
मधुमधुरे मधुकैटभगञ्जिनि कैटभभञ्जिनि रासरते
जय जय हे महिषासुरमर्दिनि रम्यकपर्दिनि शैलसुते ॥ ३ ॥
अयि शतखण्ड विखण्डितरुण्ड वितुण्डितशुण्द गजाधिपते
रिपुगजगण्ड विदारणचण्ड पराक्रमशुण्ड मृगाधिपते ।
निजभुजदण्ड निपातितखण्ड विपातितमुण्ड भटाधिपते
जय जय हे महिषासुरमर्दिनि रम्यकपर्दिनि शैलसुते ॥ ४ ॥
अयि रणदुर्मद शत्रुवधोदित दुर्धरनिर्जर शक्तिभृते
चतुरविचार धुरीणमहाशिव दूतकृत प्रमथाधिपते ।
दुरितदुरीह दुराशयदुर्मति दानवदुत कृतान्तमते
जय जय हे महिषासुरमर्दिनि रम्यकपर्दिनि शैलसुते ॥ ५ ॥
अयि शरणागत वैरिवधुवर वीरवराभय दायकरे
त्रिभुवनमस्तक शुलविरोधि शिरोऽधिकृतामल शुलकरे ।
दुमिदुमितामर धुन्दुभिनादमहोमुखरीकृत दिङ्मकरे
जय जय हे महिषासुरमर्दिनि रम्यकपर्दिनि शैलसुते ॥ ६ ॥
अयि निजहुङ्कृति मात्रनिराकृत धूम्रविलोचन धूम्रशते
समरविशोषित शोणितबीज समुद्भवशोणित बीजलते ।
शिवशिवशुम्भ निशुम्भमहाहव तर्पितभूत पिशाचरते
जय जय हे महिषासुरमर्दिनि रम्यकपर्दिनि शैलसुते ॥ ७ ॥
धनुरनुषङ्ग रणक्षणसङ्ग परिस्फुरदङ्ग नटत्कटके
कनकपिशङ्ग पृषत्कनिषङ्ग रसद्भटशृङ्ग हताबटुके ।
कृतचतुरङ्ग बलक्षितिरङ्ग घटद्बहुरङ्ग रटद्बटुके
जय जय हे महिषासुरमर्दिनि रम्यकपर्दिनि शैलसुते ॥ ८ ॥
सुरललना ततथेयि तथेयि कृताभिनयोदर नृत्यरते
कृत कुकुथः कुकुथो गडदादिकताल कुतूहल गानरते ।
धुधुकुट धुक्कुट धिंधिमित ध्वनि धीर मृदंग निनादरते
जय जय हे महिषासुरमर्दिनि रम्यकपर्दिनि शैलसुते ॥ ९ ॥
जय जय जप्य जयेजयशब्द परस्तुति तत्परविश्वनुते
झणझणझिञ्झिमि झिङ्कृत नूपुरशिञ्जितमोहित भूतपते ।
नटित नटार्ध नटी नट नायक नाटितनाट्य सुगानरते
जय जय हे महिषासुरमर्दिनि रम्यकपर्दिनि शैलसुते ॥ १० ॥
अयि सुमनःसुमनःसुमनः सुमनःसुमनोहरकान्तियुते
श्रितरजनी रजनीरजनी रजनीरजनी करवक्त्रवृते ।
सुनयनविभ्रमर भ्रमरभ्रमर भ्रमरभ्रमराधिपते
जय जय हे महिषासुरमर्दिनि रम्यकपर्दिनि शैलसुते ॥ ११ ॥
सहितमहाहव मल्लमतल्लिक मल्लितरल्लक मल्लरते
विरचितवल्लिक पल्लिकमल्लिक झिल्लिकभिल्लिक वर्गवृते ।
शितकृतफुल्ल समुल्लसितारुण तल्लजपल्लव सल्ललिते
जय जय हे महिषासुरमर्दिनि रम्यकपर्दिनि शैलसुते ॥ १२ ॥
अविरलगण्ड गलन्मदमेदुर मत्तमतङ्ग जराजपते
त्रिभुवनभुषण भूतकलानिधि रूपपयोनिधि राजसुते ।
अयि सुदतीजन लालसमानस मोहन मन्मथराजसुते
जय जय हे महिषासुरमर्दिनि रम्यकपर्दिनि शैलसुते ॥ १३ ॥
कमलदलामल कोमलकान्ति कलाकलितामल भाललते
सकलविलास कलानिलयक्रम केलिचलत्कल हंसकुले ।
अलिकुलसङ्कुल कुवलयमण्डल मौलिमिलद्बकुलालिकुले
जय जय हे महिषासुरमर्दिनि रम्यकपर्दिनि शैलसुते ॥ १४ ॥
करमुरलीरव वीजितकूजित लज्जितकोकिल मञ्जुमते
मिलितपुलिन्द मनोहरगुञ्जित रञ्जितशैल निकुञ्जगते ।
निजगणभूत महाशबरीगण सद्गुणसम्भृत केलितले
जय जय हे महिषासुरमर्दिनि रम्यकपर्दिनि शैलसुते ॥ १५ ॥
कटितटपीत दुकूलविचित्र मयुखतिरस्कृत चन्द्ररुचे
प्रणतसुरासुर मौलिमणिस्फुर दंशुलसन्नख चन्द्ररुचे
जितकनकाचल मौलिमदोर्जित निर्भरकुञ्जर कुम्भकुचे
जय जय हे महिषासुरमर्दिनि रम्यकपर्दिनि शैलसुते ॥ १६ ॥
विजितसहस्रकरैक सहस्रकरैक सहस्रकरैकनुते
कृतसुरतारक सङ्गरतारक सङ्गरतारक सूनुसुते ।
सुरथसमाधि समानसमाधि समाधिसमाधि सुजातरते ।
जय जय हे महिषासुरमर्दिनि रम्यकपर्दिनि शैलसुते ॥ १७ ॥
दकमलं करुणानिलये वरिवस्यति योऽनुदिनं सुशिवे
अयि कमले कमलानिलये कमलानिलयः स कथं न भवेत् ।
तव पदमेव परम्पदमित्यनुशीलयतो मम किं न शिवे
जय जय हे महिषासुरमर्दिनि रम्यकपर्दिनि शैलसुते ॥ १८ ॥
कनकलसत्कलसिन्धुजलैरनुषिञ्चति तेगुणरङ्गभुवम्
भजति स किं न शचीकुचकुम्भतटीपरिरम्भसुखानुभवम् ।
तव चरणं शरणं करवाणि नतामरवाणि निवासि शिवम्
जय जय हे महिषासुरमर्दिनि रम्यकपर्दिनि शैलसुते ॥ १९ ॥
तव विमलेन्दुकुलं वदनेन्दुमलं सकलं ननु कूलयते
किमु पुरुहूतपुरीन्दु मुखी सुमुखीभिरसौ विमुखीक्रियते ।
मम तु मतं शिवनामधने भवती कृपया किमुत क्रियते
जय जय हे महिषासुरमर्दिनि रम्यकपर्दिनि शैलसुते ॥ २० ॥
अयि मयि दीन दयालुतया कृपयैव त्वया भवितव्यमुमे
अयि जगतो जननी कृपयासि यथासि तथानुमितासिरते ।
यदुचितमत्र भवत्युररीकुरुतादुरुतापमपाकुरुते
जय जय हे महिषासुरमर्दिनि रम्यकपर्दिनि शैलसुते ॥ २१ ॥
Download PDF (महिषासुर मर्दिनी स्तोत्रम)
महिषासुर मर्दिनी स्तोत्रम
Download PDF: महिषासुर मर्दिनी स्तोत्रम
महिषासुर मर्दिनी स्तोत्रम Lyrics Transliteration (English)
ayi girinandini nanditamedini vishvavinodini nandinute
girivaravindhyashiro.adhinivAsini viShNuvilAsini jiShNunute |
bhagavati he shitikaNThakuTumbini bhUrikuTumbini bhUrikRRite
jaya jaya he mahiShAsuramardini ramyakapardini shailasute || 1 ||
suravaravarShiNi durdharadharShiNi durmukhamarShiNi harSharate
tribhuvanapoShiNi sha~NkaratoShiNi kilbiShamoShiNi ghoSharate
danujaniroShiNi ditisutaroShiNi durmadashoShiNi sindhusute
jaya jaya he mahiShAsuramardini ramyakapardini shailasute || 2 ||
ayi jagadamba madamba kadamba vanapriyavAsini hAsarate
shikhari shiromaNi tu~Ngahimalaya shRRi~NganijAlaya madhyagate |
madhumadhure madhukaiTabhaga~njini kaiTabhabha~njini rAsarate
jaya jaya he mahiShAsuramardini ramyakapardini shailasute || 3 ||
ayi shatakhaNDa vikhaNDitaruNDa vituNDitashuNda gajAdhipate
ripugajagaNDa vidAraNachaNDa parAkramashuNDa mRRigAdhipate |
nijabhujadaNDa nipAtitakhaNDa vipAtitamuNDa bhaTAdhipate
jaya jaya he mahiShAsuramardini ramyakapardini shailasute || 4 ||
ayi raNadurmada shatruvadhodita durdharanirjara shaktibhRRite
chaturavichAra dhurINamahAshiva dUtakRRita pramathAdhipate |
duritadurIha durAshayadurmati dAnavaduta kRRitAntamate
jaya jaya he mahiShAsuramardini ramyakapardini shailasute || 5 ||
ayi sharaNAgata vairivadhuvara vIravarAbhaya dAyakare
tribhuvanamastaka shulavirodhi shiro.adhikRRitAmala shulakare |
dumidumitAmara dhundubhinAdamahomukharIkRRita di~Nmakare
jaya jaya he mahiShAsuramardini ramyakapardini shailasute || 6 ||
ayi nijahu~NkRRiti mAtranirAkRRita dhUmravilochana dhUmrashate
samaravishoShita shoNitabIja samudbhavashoNita bIjalate |
shivashivashumbha nishumbhamahAhava tarpitabhUta pishAcharate
jaya jaya he mahiShAsuramardini ramyakapardini shailasute || 7 ||
dhanuranuSha~Nga raNakShaNasa~Nga parisphurada~Nga naTatkaTake
kanakapisha~Nga pRRiShatkaniSha~Nga rasadbhaTashRRi~Nga hatAbaTuke |
kRRitachatura~Nga balakShitira~Nga ghaTadbahura~Nga raTadbaTuke
jaya jaya he mahiShAsuramardini ramyakapardini shailasute || 8 ||
suralalanA tatatheyi tatheyi kRRitAbhinayodara nRRityarate
kRRita kukuthaH kukutho gaDadAdikatAla kutUhala gAnarate |
dhudhukuTa dhukkuTa dhiMdhimita dhvani dhIra mRRidaMga ninAdarate
jaya jaya he mahiShAsuramardini ramyakapardini shailasute || 9 ||
jaya jaya japya jayejayashabda parastuti tatparavishvanute
jhaNajhaNajhi~njhimi jhi~NkRRita nUpurashi~njitamohita bhUtapate |
naTita naTArdha naTI naTa nAyaka nATitanATya sugAnarate
jaya jaya he mahiShAsuramardini ramyakapardini shailasute || 10 ||
ayi sumanaHsumanaHsumanaH sumanaHsumanoharakAntiyute
shritarajanI rajanIrajanI rajanIrajanI karavaktravRRite |
sunayanavibhramara bhramarabhramara bhramarabhramarAdhipate
jaya jaya he mahiShAsuramardini ramyakapardini shailasute || 11 ||
sahitamahAhava mallamatallika mallitarallaka mallarate
virachitavallika pallikamallika jhillikabhillika vargavRRite |
shitakRRitaphulla samullasitAruNa tallajapallava sallalite
jaya jaya he mahiShAsuramardini ramyakapardini shailasute || 12 ||
aviralagaNDa galanmadamedura mattamata~Nga jarAjapate
tribhuvanabhuShaNa bhUtakalAnidhi rUpapayonidhi rAjasute |
ayi sudatIjana lAlasamAnasa mohana manmatharAjasute
jaya jaya he mahiShAsuramardini ramyakapardini shailasute || 13 ||
kamaladalAmala komalakAnti kalAkalitAmala bhAlalate
sakalavilAsa kalAnilayakrama kelichalatkala haMsakule |
alikulasa~Nkula kuvalayamaNDala maulimiladbakulAlikule
jaya jaya he mahiShAsuramardini ramyakapardini shailasute || 14 ||
karamuralIrava vIjitakUjita lajjitakokila ma~njumate
militapulinda manoharagu~njita ra~njitashaila niku~njagate |
nijagaNabhUta mahAshabarIgaNa sadguNasambhRRita kelitale
jaya jaya he mahiShAsuramardini ramyakapardini shailasute || 15 ||
kaTitaTapIta dukUlavichitra mayukhatiraskRRita chandraruche
praNatasurAsura maulimaNisphura daMshulasannakha chandraruche
jitakanakAchala maulimadorjita nirbharaku~njara kumbhakuche
jaya jaya he mahiShAsuramardini ramyakapardini shailasute || 16 ||
vijitasahasrakaraika sahasrakaraika sahasrakaraikanute
kRRitasuratAraka sa~NgaratAraka sa~NgaratAraka sUnusute |
surathasamAdhi samAnasamAdhi samAdhisamAdhi sujAtarate |
jaya jaya he mahiShAsuramardini ramyakapardini shailasute || 17 ||
dakamalaM karuNAnilaye varivasyati yo.anudinaM sushive
ayi kamale kamalAnilaye kamalAnilayaH sa kathaM na bhavet |
tava padameva parampadamityanushIlayato mama kiM na shive
jaya jaya he mahiShAsuramardini ramyakapardini shailasute || 18 ||
kanakalasatkalasindhujalairanuShi~nchati teguNara~Ngabhuvam
bhajati sa kiM na shachIkuchakumbhataTIparirambhasukhAnubhavam |
tava charaNaM sharaNaM karavANi natAmaravANi nivAsi shivam
jaya jaya he mahiShAsuramardini ramyakapardini shailasute || 19 ||
tava vimalendukulaM vadanendumalaM sakalaM nanu kUlayate
kimu puruhUtapurIndu mukhI sumukhIbhirasau vimukhIkriyate |
mama tu mataM shivanAmadhane bhavatI kRRipayA kimuta kriyate
jaya jaya he mahiShAsuramardini ramyakapardini shailasute || 20 ||
ayi mayi dIna dayAlutayA kRRipayaiva tvayA bhavitavyamume
ayi jagato jananI kRRipayAsi yathAsi tathAnumitAsirate |
yaduchitamatra bhavatyurarIkurutAdurutApamapAkurute
jaya jaya he mahiShAsuramardini ramyakapardini shailasute || 21 ||
महिषासुर मर्दिनी स्तोत्रम Video
महिषासुर मर्दिनी स्तोत्रम Video
Song: Mahishasur Mardini Stotram
Singer: Acharya Ankit Markandey (8109203108)
Music: A.K. Studio (Bhopal)
Lyricist: Traditional
Video: A.K. Studio (Bhopal)
Category: Hindi Devotional
Producers: Amresh Bahadur, Ramit Mathur
Label: Yuki