म्हाने बेगो बुलाल्यो बाबा श्याम भजन Lyrics, Video, Bhajan, Bhakti Songs
Receive daily temple updates, divine darshan, and morning bhajans directly on WhatsApp.
Contents
म्हाने बेगो बुलाल्यो बाबा श्याम भजन लिरिक्स
Mhane Bego Bula Lyo Baba Shyam
म्हाने बेगो बुलाल्यो बाबा श्याम भजन लिरिक्स (हिन्दी)
तर्ज: थासु विनती करा हाँ।
म्हाने बेगो बुलाल्यो बाबा श्याम,
बसा ल्यो थां के गाँव,
ओ खाटू वाला श्याम धणी,
ओ लीले वाला श्याम धणी।।
म्हारो भी मन बहोत करे है,
खाटू में रम जाऊं,
दिन उगवा सु पहल्या बाबा,
थारा दरशन पाऊं,
थाने मीठा तो भजन सुनाऊँ,
थाने तो अपनों बनाऊं,
ओ खाटू वाला श्याम धणी,
ओ लीले वाला श्याम धणी।।
श्याम कुंड को जल बहवे है,
देखो अमृत गारी,
जो भी न्हावे श्याम कुंड में,
वी पे किरपा न्यारी,
मैं तो रोज ही डुबकी लगाऊं,
अपना तो दोष मिटाऊं,
ओ खाटू वाला श्याम धणी,
ओ लीले वाला श्याम धणी।।
जद जद थारी याद सतावे,
मैं दर पर आ जाऊं,
देख के थारो मुखडो बाबा,
मैं तो खुश हो जाऊं,
थाने पल पल खबर बताऊँ,
तन मन की बात बताऊँ,
ओ खाटू वाला श्याम धणी,
ओ लीले वाला श्याम धणी।।
या ही तमन्ना म्हाकी बाबा,
थे ही ध्यान धरोला,
भक्ता की तो खाटू वाला,
थे ही अर्ज सुनोला,
म्हाने थासे ही हरदम आस,
थारो ही तो विश्वास,
ओ खाटू वाला श्याम धणी,
ओ लीले वाला श्याम धणी।।
म्हाने बेगो बुलाल्यो बाबा श्याम,
बसा ल्यो थां के गाँव,
ओ खाटू वाला श्याम धणी,
ओ लीले वाला श्याम धणी।।
म्हाने बेगो बुलाल्यो बाबा श्याम भजन Video
म्हाने बेगो बुलाल्यो बाबा श्याम भजन Video
📖 Related: हार के भी जो ना हारे जीतकर वो जायेगा भजन Lyrics, Video, Bhajan, Bhakti Songs