श्री भोज बगडावत की कथा राजस्थानी कथा लिरिक्स
Shri Bhoj Bagdawat Ki Katha
श्री भोज बगडावत की कथा राजस्थानी कथा लिरिक्स (हिन्दी)
श्री भोज बगडावत की कथा,
ए गणपत सिवरू सरस्वती शारदा,
मै धरू सुण्डाला ध्यान देवी ओ,
कथा केवु बगडावता की,
म्हारे घट उपजावो ग्यान,
देवी ओ कंठ बिराजो शारदा रे,
ए बीरूडा संत विपद कुशासना,
भयी होवे धर्म री हार बीरा रे,
शूरा जद जद संचरे भई,
अवतरे अवतार बीरा रे,
भारत भूमि ऊबारने रे।।
ए बीरूडा बाघजी के बारह रानीया,
ज्यारे चावा पूत चौबीस बीरा रे,
बगडावत सब बाजीया रे भई,
भारत में विश्वाविश बीरा म्हारा,
भारत में भालो रोपीयो रे,
ए कंवरा चौबीसों बगडावता को,
कोई होयो ज्यारे ब्याव बीरा म्हारा,
सती सरीकी बिन्दनीया ज्यारे,
छायो हरख उमाव बीरा रे,
आनंद बरसे आंगने रे।।
ए कंवरा दूदाजी देवास का,
ज्यारी गुर्जर खटाना जात बीरा रे,
साडू जिनरी लाडली जिनरे,
भोजो परण्यो साथ बीरा रे,
भोजो जी परण्या मालवे रे,
ए भाईडा ऊंचा भाकर ओपता रे,
नमोः नागपाल रो नाम बीरा म्हारा,
गुर्जर गाया घेरता नित,
ले शंकर रो नाम ज्याने ओ,
मिलीया गुरू रूप नाथजी रे।।
ए जग मे गुरू सेवा गुरू शरने,
भई सिद्ध होवे सब काज बीरा रे,
शंकर प्रगट्या सामने ओर,
वचन दीयो है आज बीरा म्हारा,
दे दिनी माया बारह साल की रे,
ए बीरूडा बल बुद्धि लक्ष्मी जटे भई,
होवे राज री चाव जग में,
गुरू बताया मार्गे रे भई,
कदेनी अटके नाय भयो,
पातो बिजर नोरखो रे।।
ए कंवरा भोज सवाई बगडावता में,
भई करे सवायो काज भई रे,
भूप भयो आसिन्ध को ओर,
धर्यो मुकुट सिर ताज बीरा म्हारा,
पाया चौबीस परगना रे,
ए बीरूडा भाण तपे असमान ज्यु,
भई तपे भोज रो तेज चौदस,
बिखरे किरती पण हट नही,
गरब गुमेज बीरा म्हारा,
ओ बांको शूरो बाघ को रे।।
ए कंवरा चढतो जोबन चांद ज्यु,
भई चौदस चढती प्रकाश भोजा रो,
काम देव सो रूप लख अर,
अप्सरा करे रे दुसहास ऐसो मुख,
सुन्दर मन में मोवनो रे,
ए बीरूडा ओट साबलो हद कर,
तब फूल जडे मुस्कान भोजा री,
लट घुंगरा री लहरता ज्यारी,
पडे अनोखी ख्यात जाने कोई,
सामी आयो देवता रे।।
ए बीरा चतुर विधारन पारखी ज्यारी,
फिरे धरा पर आण शूरा री,
पास पडोसी राजवी सब,
माने भोजा की बात भई रे,
धरती पर शूरो अवतर्यो रे,
ए कंवरा राण भिनाय को राजवी,
कोई देवे भोज ने ओट बीरा म्हारा,
चौबीसों बगडावता की देखे,
देखे माट मटोड भई रे,
भोजा ने भाई बनावीयो रे।।
ए बीरूडा बाघ कहे बगडावता कदी,
आय ने राजी होय बेटा रे,
निवत जिमावो राण ने,
कमी न राखो कोई दे दो,
निवतो जाय भिनाय ने रे,
ए कंवरा रे बाणीया ब्राह्मण खीर सु,
खुश मास सु मुसलमान बेटा रे,
मद सु राजी रांगडा वे,
हंस हंस देवे प्राण थे तो,
दारू खूब मोलावजो रे।।
ए बीरा पातु कलालन पास मे जावे,
तेजो नेवो साथ पातुडी,
दारू दरकार है पातु,
करे गरब सु बात जन्मियो,
नही पूरो दारू लेवसी रे,
ए बीरूडा भोजो बिडो फेरीयो,
पातु भरदे दारू लाय पातु ओ,
उंद्या खुंजा लावता खाली,
वेगा खूब तालाब भई रे,
भोजा रो बिडो न भरे रे।।
ए मदरा राण भिनाय को डुंगरा मे बही,
बही रे मदरीहार भाईडा,
जमी पाताला पुग्यो दारू,
शेषनाग फन जाय भई रे,
नागदेव सिर ढुलीयो रे,
ए भगवन नागदेव भारी रिश मे,
वे पहुंचे हरि रे पास प्रभुजी,
ऐसो पापी धरती पे म्हारे,
तप रो किनो नाश प्रभु ओ,
उनरो गरब मिटावजो रे।।
ए नागजी गुर्जर घर को डावडो विने,
वर दियो भोलेनाथ नागदेव,
आया कैया ओ भूल की म्हारे,
समझ नी आवे बात मै तो,
जाकर पतो रे लगाव सु ओ,
ए प्रभुजी हरि गया वैकुण्ठ सु,
धर कोढिया रो रूप प्रभु ने,
पल में भोजो पहचानीयो रे,
जट चरने रे लुंद हरि दे गया,
माया बारह साल की रे।।
ए भोजा रे माया काया एक जुग,
थाने देवु राजी होय सवाई ओ,
पायजो शोहरत किरती थारो,
नाम धरा पर होय मै थारे,
आंगन माई जन्म सु रे,
ए बीरूडा भोज सवाई भूमि पर,
करे करे धर्म रो काज भई म्हारा,
दान पुण्य निज हिए राखे नित,
करे हरि की सांझ भई रे,
गौ माता गुरू शरण में रे।।
ए भाईडा कुंवरी राज भुवाल की लियो,
भोज ने हिवडे बसाय कुंवरी,
भोजो खोजो बिलखती राखे,
छवी ने पलक छिपाय भई रे,
अद्धभुत लीला प्रेम की रे,
ए कुंवरी राजा सोलंकी खिन ज्यारी,
सोलह वर्ष की जीव बीरा रे,
जाको नाम हो जसुमति वा,
माने भोजे ने पीव ज्यारे,
सांस सांस मे भोजो बसे रे।।
ए मर्दा भेजे सोलंकी खिन,
भोजा ने नारेल राजवी,
परण कन्या के आवजो,
टिको लिजो झेल बीरा ओ,
आवे जोशी आसिन्ध मे रे,
ए बीरूडा सतवंती साडू सती वा,
पति व्रता घर नार भोजा के,
मन भावनी वो कैया होवे तैयार,
भोजो जी भेजे जोशी भिनाय ने रे।।
ए कंवरा रे राण भिनाय को राजवी,
वो ले टिको स्वीकार आजावु,
वेगो मुहर्त ब्याव रो वो,
सब विद हो जावे तैयार भई रे,
अपनी उमर भूलगो रे,
ए बीरूडा पीपल कुण्यु पावनी जटे,
सजी राडकी जान भाईडा,
सब बगडावत जाणीया जासु,
हो चौगुनी शान भई रे,
चले रथ घोडा पालकी रे।।
ए कंवरा बिन्द रेण को रानसी वो,
परणन जाय भुवाल जाण मे,
घुरवा लागा ढोल रे ओर,
बटे मोतीया को थाल बीरा ओ,
बगडावत बांका मारगा रे,
ए बीरा रे सजती बनडी जसुमति,
कहे दासी ने रे राज सखी ए,
भोज बन्ना ने देख आवे,
इस आग लगे आज हिरा ए,
कामनी करदे कामनीया रे,
ए बाईसा बनडो है के बान्दरो मै,
देख्यो बूढो ढेण बाईसा,
भोजा री हर छोड दो थाने,
जानो पडसी रेण बाईसा,
जोशी ने धोखो दे दियो रे।।
ए बनडा तोरन ऊंचो नि बढे राणा,
कर लिया जतन अनेक भई,
भोजा की इज्जत राखले भोले,
कहे भोजा ने देख भई रे,
तोरन ने तपीया राजवी रे,
ए बीरा म्हारा बावली घोडी भोज की,
जट मारी जबर मलाप भई रे,
तोरन धय तो देवीयो रे,
भोज सवाई आप सब वहा,
वाह कहे बगडावता रे।।
ए हिरा ए खांडो भोज को लाय दे,
थाने है बहन की आण दासी ए,
नही तो विष म्हाने देय दे,
पल नही राखु प्राण हिरा ए,
मान छोरी आ देश में रे,
ए बाईसा मन ने थोडो ढाबलो थे,
करो हियो मजबूत बाईसा,
भोज गुर्जर को छोकरो थे,
आखिर हो रजपूत बाईसा,
बिखरेला भूमि पर विघ्न की रे।।
ए हिरकी पल छिन है ये पावना,
मत हिरका बकत कमान छोरी ए,
मै भोजा की भार्या,
मने दुजो नी आवे दाय दासी ए,
मै जन्मी भोजा रे वास्ते रे,
ए बाईसा जाय मिलाला भोजा सु,
थे झटपट बदलो वेश बाईसा,
खांडो लासा भोज के बिन,
लाज न आयी लेस बाईसा,
प्रीतम सु धोखो कर रयो रे।।
ए जसुमति लिनो खांडो भोज रे,
संग लिया फेरा साथ सवाई,
राखोला ज्यु रेवसु मती,
करजो म्हारे संग घाव जसुमति,
बांधे वचना मे भोज ने रे,
ए जसुमति राजा भिनाय रानी से,
वह शर्त रखे यु सहज राजा जी,
मै जद घुंगट खोल सु बनीया,
नवखंड न्यारो महल रह सु,
जब तक रहसु आतरो रे।।
ए भई रे जसुमति संग हिरा के वह,
रहे बाघ के बीच भई रे,
फेरती माला भोज की नित,
नेड बगीचा सींच जसुमति,
भोज की पाग लिपायली रे,
ए बीरा रे भोज कहे बगडावता सु,
शस्त्र करो तैयार भाईडा,
प्राण जावे पण वचन हानि,
न होय गुर्जर की आण भई रे,
पर घर रे गुर्जर बिन्दनी रे।।
ए भाईडा भाला अणीया विष भरो थे,
देवो खांडा के धार कंवरा रे,
तेज कटारा करीया सब,
तोपा राखो तैयार भई रे,
बिन छाया पर्वत लागसी रे,
ए कंवरा सतवंती साडू सती,
अरे भोजा ने समझाय सायबा,
राते सपनो आवियो जानु,
लागी शब्द री लाय सायबा,
आवन दो गुरूजी ने तीर्थ सु रे।।
ए कंवरा मती पधारो रेण मे,
आ रेण करेली देण सायबा,
पर नारी की प्रीत जो,
सदा रही दुख देण कंवरा,
मती पधारो रेण मे रे,
ए रानी जन्म मरण जश किरती,
आ है हरि के हाथ परणी ए,
वचन दियोडो लोबता,
अखी लाजे गुर्जर जात रानी ए,
जानो पडसी रेण मे रे।।
ए सायबा गुरू नारी सुत भार जह ओर,
धर्म बाई की नार कंवरा ए,
जहाँ पर नियत डोलता ज्यारो,
डूबे मिनख जमार सायबा,
सत्त मत छोडो बगडावता रे,
ए रानी ए शरणागत की सहायता है,
क्षत्रिय रो सिन्गार साडू ए,
करे समर्पण त्याग सब विन,
देवा कैया दुखदार रानी ए,
भोजो वचन मे आ गयो रे।।
ए सायबा ओ हाड मास ओर चामडा सु,
कैया लगायी प्रीत परण्या ओ,
हरि सु हेत लगावता तो,
जाय जमारो जीत परण्या ओ,
ऐसी कोई काई टूटगी ओ,
ए साडू ए पिवत जल गले दुखे ज्यारे,
पलक झुके निज गाल रानी ए,
मृग नेनी मधुवासनी,
रूप ने मती दे गाल रानी ए,
जोगी तपस्वी रो मन हरे रे।।
ए कंवरा ए अनिति से जाण है रे,
राज तेज ओर वंश सायबा,
तीनो तारा दे गया कौरव रावण कंस,
सायबा मत बीज बोवो विघ्न को ओ,
ए बीरूडा जल बिन तडपे माछली ज्यु,
तडपे जसुमति नार भई रे,
पलक बिछाया मारगा रे,
भोजा को इंतजार भई रे,
साचा बाचा कद करो जी।।
ए हिरा ए सेजा लागे सूल ज्यु ओ,
चंदो देह ने जलाय दासी ए,
मीठा कुरवा तिरीया मारे,
विरह आग लगाय भोजो ओ,
काई म्हाने भूलगो रे,
ए दासी ए लाय विष म्हाने देय दे,
देवु राजा ने मार छोरी ए,
भाग चला आसिन्ध मे म्हारो,
जन्म जमारो जाय दासी ए,
देह भोज ने सौंप दू रे।।
ए बाईसा पाप काया के लागसी,
मत घालो मिनख रे घात बहना ओ,
घर घराणो माँ दूध लजसी,
लाजे नारी री जात बाई ए,
भव भव मे दिशो भटकता रे,
ए छोरी ए ऊंची चढजा डागले,
जद आवत दिखे भोज छोरी ए,
या मै ऊंची चढ गिरू,
मिटे हमेशा रो रोग छोरी ए,
भोजा बिन दोरो जीवनो रे।।
ए हिरा ए कुटी एक पटायदे रे,
देवु परवानो भेज बाई ए,
झीना लिख दू ओलबा देवी,
कैया लगायी जेज खोजु,
गुर्जर अनिवार्य रे,
ए बाईसा तीन दिना रो कोल करीयो,
भूले छ:छ:मास बाईसा,
निसरा दर सु आज तक थे,
कैया करो विश्वास बाईसा,
भोज ने तू भूल जा रे।।
ए बीरूडा फौजा आयी भोज की ओर,
घेर्यो शहर भिनाय बीरा रे,
भोज सवाई जसुमति वहा,
निकल शहर सु जाय भई रे,
आपस में फौजा भिड गया रे,
ए शूरा गाजर मूली ज्यु कटे रे,
अनगिनत वीर अपार बीरा रे,
चम चम चमके तेजना करे,
तोपा गोला बोछार भई रे,
मगरे महाभारत मचीयो रे।।
ए भाईडा लाशा पर लाश गिरे,
मच रयो हाहाकार रण में,
हाथी घोडा कट रया ज्यारेे,
भरन मंडियों त्यौहार भई रे,
डुंगरीया लाग्या डोलवा रे,
ए समरा भेरूडा संग भूतडा नाचे,
करे है किलकार जंग,
पेरे माला मुंड की काली,
करीयो रक्त ने सिन्गार भई रे,
खप्पर वाली खप्पर भरे रे।।
ए युद्ध घिसे लाशा गिदडा,
अरे गीरद चील मंडराय रण में,
लाली लुकड जर खंडावे,
भोज झपट ने खाय भई रे,
लोही रा झरना झर रया रे,
ए शूरा मुंड कट्या दिखे मुलकता,
ओर धड तलवार चलाय झुंजारा,
बांटा डाल पर रूकडा,
अरे काटत बलीता जाय झुंजे,
बगडावत रे शूरमा रे।।
ए शूरा एक एक गुर्जर कट गया,
धिन बगडावत फौज भई रे,
हिरा संग कटी जसुमति रयो,
झुंज सवाई भोज भई रे,
बिना शिश ही लड रयो रे,
ए रामजी रोग मिटे नही भूमि रो,
थे जबर बनायो जोग प्रभुजी,
नित नारी की राड़ मे भई,
कटे हमेशा लोग प्रभुजी,
अजब खेल है आपरो रे।।
ए बीरूडा धिन सवाई भोज ने थारी,
धिन धिन गुर्जर जात शूरा रे,
ज्या घर जन्मीया देव धणी,
उगी सोना री प्रभात बीरा रे,
देव अवतरीया भोज के रे,
ए बीरूडा करणीसुत आ कथा लिखी,
ज्याने प्रकाश माली गाय बीरा म्हारा,
जो भी सुनसी प्रेम सु वीरे,
आनंद मन में छाय ज्याने,
घणो रंग बगडावता रे,
थाने नमन् करा वीर गुजरा रे,
थे अमर रहो बगडावता रे।।
श्री भोज बगडावत की कथा समाप्त।
गायक प्रकाश माली जी।
प्रेषक मनीष सीरवी।
(रायपुर जिला पाली राजस्थान)
9640557818
Download PDF (श्री भोज बगडावत की कथा राजस्थानी कथा )
Download the PDF of song ‘Shri Bhoj Bagdawat Ki Katha ‘.
Download PDF: श्री भोज बगडावत की कथा राजस्थानी कथा
Shri Bhoj Bagdawat Ki Katha Lyrics (English Transliteration)
shrI bhoja bagaDAvata kI kathA,
e gaNapata sivarU sarasvatI shAradA,
mai dharU suNDAlA dhyAna devI o,
kathA kevu bagaDAvatA kI,
mhAre ghaTa upajAvo gyAna,
devI o kaMTha birAjo shAradA re,
e bIrUDA saMta vipada kushAsanA,
bhayI hove dharma rI hAra bIrA re,
shUrA jada jada saMchare bhaI,
avatare avatAra bIrA re,
bhArata bhUmi UbArane re||
e bIrUDA bAghajI ke bAraha rAnIyA,
jyAre chAvA pUta chaubIsa bIrA re,
bagaDAvata saba bAjIyA re bhaI,
bhArata meM vishvAvisha bIrA mhArA,
bhArata meM bhAlo ropIyo re,
e kaMvarA chaubIsoM bagaDAvatA ko,
koI hoyo jyAre byAva bIrA mhArA,
satI sarIkI bindanIyA jyAre,
ChAyo harakha umAva bIrA re,
AnaMda barase AMgane re||
e kaMvarA dUdAjI devAsa kA,
jyArI gurjara khaTAnA jAta bIrA re,
sADU jinarI lADalI jinare,
bhojo paraNyo sAtha bIrA re,
bhojo jI paraNyA mAlave re,
e bhAIDA UMchA bhAkara opatA re,
namoH nAgapAla ro nAma bIrA mhArA,
gurjara gAyA gheratA nita,
le shaMkara ro nAma jyAne o,
milIyA gurU rUpa nAthajI re||
e jaga me gurU sevA gurU sharane,
bhaI siddha hove saba kAja bIrA re,
shaMkara pragaTyA sAmane ora,
vachana dIyo hai Aja bIrA mhArA,
de dinI mAyA bAraha sAla kI re,
e bIrUDA bala buddhi lakShmI jaTe bhaI,
hove rAja rI chAva jaga meM,
gurU batAyA mArge re bhaI,
kadenI aTake nAya bhayo,
pAto bijara norakho re||
e kaMvarA bhoja savAI bagaDAvatA meM,
bhaI kare savAyo kAja bhaI re,
bhUpa bhayo Asindha ko ora,
dharyo mukuTa sira tAja bIrA mhArA,
pAyA chaubIsa paraganA re,
e bIrUDA bhANa tape asamAna jyu,
bhaI tape bhoja ro teja chaudasa,
bikhare kiratI paNa haTa nahI,
garaba gumeja bIrA mhArA,
o bAMko shUro bAgha ko re||
e kaMvarA chaDhato jobana chAMda jyu,
bhaI chaudasa chaDhatI prakAsha bhojA ro,
kAma deva so rUpa lakha ara,
apsarA kare re dusahAsa aiso mukha,
sundara mana meM movano re,
e bIrUDA oTa sAbalo hada kara,
taba phUla jaDe muskAna bhojA rI,
laTa ghuMgarA rI laharatA jyArI,
paDe anokhI khyAta jAne koI,
sAmI Ayo devatA re||
e bIrA chatura vidhArana pArakhI jyArI,
phire dharA para ANa shUrA rI,
pAsa paDosI rAjavI saba,
mAne bhojA kI bAta bhaI re,
dharatI para shUro avataryo re,
e kaMvarA rANa bhinAya ko rAjavI,
koI deve bhoja ne oTa bIrA mhArA,
chaubIsoM bagaDAvatA kI dekhe,
dekhe mATa maToDa bhaI re,
bhojA ne bhAI banAvIyo re||
e bIrUDA bAgha kahe bagaDAvatA kadI,
Aya ne rAjI hoya beTA re,
nivata jimAvo rANa ne,
kamI na rAkho koI de do,
nivato jAya bhinAya ne re,
e kaMvarA re bANIyA brAhmaNa khIra su,
khusha mAsa su musalamAna beTA re,
mada su rAjI rAMgaDA ve,
haMsa haMsa deve prANa the to,
dArU khUba molAvajo re||
e bIrA pAtu kalAlana pAsa me jAve,
tejo nevo sAtha pAtuDI,
dArU darakAra hai pAtu,
kare garaba su bAta janmiyo,
nahI pUro dArU levasI re,
e bIrUDA bhojo biDo pherIyo,
pAtu bharade dArU lAya pAtu o,
uMdyA khuMjA lAvatA khAlI,
vegA khUba tAlAba bhaI re,
bhojA ro biDo na bhare re||
e madarA rANa bhinAya ko DuMgarA me bahI,
bahI re madarIhAra bhAIDA,
jamI pAtAlA pugyo dArU,
sheShanAga phana jAya bhaI re,
nAgadeva sira DhulIyo re,
e bhagavana nAgadeva bhArI risha me,
ve pahuMche hari re pAsa prabhujI,
aiso pApI dharatI pe mhAre,
tapa ro kino nAsha prabhu o,
unaro garaba miTAvajo re||
e nAgajI gurjara ghara ko DAvaDo vine,
vara diyo bholenAtha nAgadeva,
AyA kaiyA o bhUla kI mhAre,
samajha nI Ave bAta mai to,
jAkara pato re lagAva su o,
e prabhujI hari gayA vaikuNTha su,
dhara koDhiyA ro rUpa prabhu ne,
pala meM bhojo pahachAnIyo re,
jaTa charane re luMda hari de gayA,
mAyA bAraha sAla kI re||
e bhojA re mAyA kAyA eka juga,
thAne devu rAjI hoya savAI o,
pAyajo shoharata kiratI thAro,
nAma dharA para hoya mai thAre,
AMgana mAI janma su re,
e bIrUDA bhoja savAI bhUmi para,
kare kare dharma ro kAja bhaI mhArA,
dAna puNya nija hie rAkhe nita,
kare hari kI sAMjha bhaI re,
gau mAtA gurU sharaNa meM re||
e bhAIDA kuMvarI rAja bhuvAla kI liyo,
bhoja ne hivaDe basAya kuMvarI,
bhojo khojo bilakhatI rAkhe,
ChavI ne palaka ChipAya bhaI re,
addhabhuta lIlA prema kI re,
e kuMvarI rAjA solaMkI khina jyArI,
solaha varSha kI jIva bIrA re,
jAko nAma ho jasumati vA,
mAne bhoje ne pIva jyAre,
sAMsa sAMsa me bhojo base re||
e mardA bheje solaMkI khina,
bhojA ne nArela rAjavI,
paraNa kanyA ke Avajo,
Tiko lijo jhela bIrA o,
Ave joshI Asindha me re,
e bIrUDA satavaMtI sADU satI vA,
pati vratA ghara nAra bhojA ke,
mana bhAvanI vo kaiyA hove taiyAra,
bhojo jI bheje joshI bhinAya ne re||
e kaMvarA re rANa bhinAya ko rAjavI,
vo le Tiko svIkAra AjAvu,
vego muharta byAva ro vo,
saba vida ho jAve taiyAra bhaI re,
apanI umara bhUlago re,
e bIrUDA pIpala kuNyu pAvanI jaTe,
sajI rADakI jAna bhAIDA,
saba bagaDAvata jANIyA jAsu,
ho chaugunI shAna bhaI re,
chale ratha ghoDA pAlakI re||
e kaMvarA binda reNa ko rAnasI vo,
paraNana jAya bhuvAla jANa me,
ghuravA lAgA Dhola re ora,
baTe motIyA ko thAla bIrA o,
bagaDAvata bAMkA mAragA re,
e bIrA re sajatI banaDI jasumati,
kahe dAsI ne re rAja sakhI e,
bhoja bannA ne dekha Ave,
isa Aga lage Aja hirA e,
kAmanI karade kAmanIyA re,
e bAIsA banaDo hai ke bAndaro mai,
dekhyo bUDho DheNa bAIsA,
bhojA rI hara ChoDa do thAne,
jAno paDasI reNa bAIsA,
joshI ne dhokho de diyo re||
e banaDA torana UMcho ni baDhe rANA,
kara liyA jatana aneka bhaI,
bhojA kI ijjata rAkhale bhole,
kahe bhojA ne dekha bhaI re,
torana ne tapIyA rAjavI re,
e bIrA mhArA bAvalI ghoDI bhoja kI,
jaTa mArI jabara malApa bhaI re,
torana dhaya to devIyo re,
bhoja savAI Apa saba vahA,
vAha kahe bagaDAvatA re||
e hirA e khAMDo bhoja ko lAya de,
thAne hai bahana kI ANa dAsI e,
nahI to viSha mhAne deya de,
pala nahI rAkhu prANa hirA e,
mAna ChorI A desha meM re,
e bAIsA mana ne thoDo DhAbalo the,
karo hiyo majabUta bAIsA,
bhoja gurjara ko Chokaro the,
Akhira ho rajapUta bAIsA,
bikharelA bhUmi para vighna kI re||
e hirakI pala China hai ye pAvanA,
mata hirakA bakata kamAna ChorI e,
mai bhojA kI bhAryA,
mane dujo nI Ave dAya dAsI e,
mai janmI bhojA re vAste re,
e bAIsA jAya milAlA bhojA su,
the jhaTapaTa badalo vesha bAIsA,
khAMDo lAsA bhoja ke bina,
lAja na AyI lesa bAIsA,
prItama su dhokho kara rayo re||
e jasumati lino khAMDo bhoja re,
saMga liyA pherA sAtha savAI,
rAkholA jyu revasu matI,
karajo mhAre saMga ghAva jasumati,
bAMdhe vachanA me bhoja ne re,
e jasumati rAjA bhinAya rAnI se,
vaha sharta rakhe yu sahaja rAjA jI,
mai jada ghuMgaTa khola su banIyA,
navakhaMDa nyAro mahala raha su,
jaba taka rahasu Ataro re||
e bhaI re jasumati saMga hirA ke vaha,
rahe bAgha ke bIcha bhaI re,
pheratI mAlA bhoja kI nita,
neDa bagIchA sIMcha jasumati,
bhoja kI pAga lipAyalI re,
e bIrA re bhoja kahe bagaDAvatA su,
shastra karo taiyAra bhAIDA,
prANa jAve paNa vachana hAni,
na hoya gurjara kI ANa bhaI re,
para ghara re gurjara bindanI re||
e bhAIDA bhAlA aNIyA viSha bharo the,
devo khAMDA ke dhAra kaMvarA re,
teja kaTArA karIyA saba,
topA rAkho taiyAra bhaI re,
bina ChAyA parvata lAgasI re,
e kaMvarA satavaMtI sADU satI,
are bhojA ne samajhAya sAyabA,
rAte sapano Aviyo jAnu,
lAgI shabda rI lAya sAyabA,
Avana do gurUjI ne tIrtha su re||
e kaMvarA matI padhAro reNa me,
A reNa karelI deNa sAyabA,
para nArI kI prIta jo,
sadA rahI dukha deNa kaMvarA,
matI padhAro reNa me re,
e rAnI janma maraNa jasha kiratI,
A hai hari ke hAtha paraNI e,
vachana diyoDo lobatA,
akhI lAje gurjara jAta rAnI e,
jAno paDasI reNa me re||
e sAyabA gurU nArI suta bhAra jaha ora,
dharma bAI kI nAra kaMvarA e,
jahA.N para niyata DolatA jyAro,
DUbe minakha jamAra sAyabA,
satta mata ChoDo bagaDAvatA re,
e rAnI e sharaNAgata kI sahAyatA hai,
kShatriya ro singAra sADU e,
kare samarpaNa tyAga saba vina,
devA kaiyA dukhadAra rAnI e,
bhojo vachana me A gayo re||
e sAyabA o hADa mAsa ora chAmaDA su,
kaiyA lagAyI prIta paraNyA o,
hari su heta lagAvatA to,
jAya jamAro jIta paraNyA o,
aisI koI kAI TUTagI o,
e sADU e pivata jala gale dukhe jyAre,
palaka jhuke nija gAla rAnI e,
mRRiga nenI madhuvAsanI,
rUpa ne matI de gAla rAnI e,
jogI tapasvI ro mana hare re||
e kaMvarA e aniti se jANa hai re,
rAja teja ora vaMsha sAyabA,
tIno tArA de gayA kaurava rAvaNa kaMsa,
sAyabA mata bIja bovo vighna ko o,
e bIrUDA jala bina taDape mAChalI jyu,
taDape jasumati nAra bhaI re,
palaka biChAyA mAragA re,
bhojA ko iMtajAra bhaI re,
sAchA bAchA kada karo jI||
e hirA e sejA lAge sUla jyu o,
chaMdo deha ne jalAya dAsI e,
mIThA kuravA tirIyA mAre,
viraha Aga lagAya bhojo o,
kAI mhAne bhUlago re,
e dAsI e lAya viSha mhAne deya de,
devu rAjA ne mAra ChorI e,
bhAga chalA Asindha me mhAro,
janma jamAro jAya dAsI e,
deha bhoja ne sauMpa dU re||
e bAIsA pApa kAyA ke lAgasI,
mata ghAlo minakha re ghAta bahanA o,
ghara gharANo mA.N dUdha lajasI,
lAje nArI rI jAta bAI e,
bhava bhava me disho bhaTakatA re,
e ChorI e UMchI chaDhajA DAgale,
jada Avata dikhe bhoja ChorI e,
yA mai UMchI chaDha girU,
miTe hameshA ro roga ChorI e,
bhojA bina doro jIvano re||
e hirA e kuTI eka paTAyade re,
devu paravAno bheja bAI e,
jhInA likha dU olabA devI,
kaiyA lagAyI jeja khoju,
gurjara anivArya re,
e bAIsA tIna dinA ro kola karIyo,
bhUle Cha:Cha:mAsa bAIsA,
nisarA dara su Aja taka the,
kaiyA karo vishvAsa bAIsA,
bhoja ne tU bhUla jA re||
e bIrUDA phaujA AyI bhoja kI ora,
gheryo shahara bhinAya bIrA re,
bhoja savAI jasumati vahA,
nikala shahara su jAya bhaI re,
Apasa meM phaujA bhiDa gayA re,
e shUrA gAjara mUlI jyu kaTe re,
anaginata vIra apAra bIrA re,
chama chama chamake tejanA kare,
topA golA boChAra bhaI re,
magare mahAbhArata machIyo re||
e bhAIDA lAshA para lAsha gire,
macha rayo hAhAkAra raNa meM,
hAthI ghoDA kaTa rayA jyAree,
bharana maMDiyoM tyauhAra bhaI re,
DuMgarIyA lAgyA DolavA re,
e samarA bherUDA saMga bhUtaDA nAche,
kare hai kilakAra jaMga,
pere mAlA muMDa kI kAlI,
karIyo rakta ne singAra bhaI re,
khappara vAlI khappara bhare re||
e yuddha ghise lAshA gidaDA,
are gIrada chIla maMDarAya raNa meM,
lAlI lukaDa jara khaMDAve,
bhoja jhapaTa ne khAya bhaI re,
lohI rA jharanA jhara rayA re,
e shUrA muMDa kaTyA dikhe mulakatA,
ora dhaDa talavAra chalAya jhuMjArA,
bAMTA DAla para rUkaDA,
are kATata balItA jAya jhuMje,
bagaDAvata re shUramA re||
e shUrA eka eka gurjara kaTa gayA,
dhina bagaDAvata phauja bhaI re,
hirA saMga kaTI jasumati rayo,
jhuMja savAI bhoja bhaI re,
binA shisha hI laDa rayo re,
e rAmajI roga miTe nahI bhUmi ro,
the jabara banAyo joga prabhujI,
nita nArI kI rADa़ me bhaI,
kaTe hameshA loga prabhujI,
ajaba khela hai Aparo re||
e bIrUDA dhina savAI bhoja ne thArI,
dhina dhina gurjara jAta shUrA re,
jyA ghara janmIyA deva dhaNI,
ugI sonA rI prabhAta bIrA re,
deva avatarIyA bhoja ke re,
e bIrUDA karaNIsuta A kathA likhI,
jyAne prakAsha mAlI gAya bIrA mhArA,
jo bhI sunasI prema su vIre,
AnaMda mana meM ChAya jyAne,
ghaNo raMga bagaDAvatA re,
thAne naman karA vIra gujarA re,
the amara raho bagaDAvatA re||
shrI bhoja bagaDAvata kI kathA samApta|
gAyaka prakAsha mAlI jI|
preShaka manISha sIravI|
(rAyapura jilA pAlI rAjasthAna)
9640557818
श्री भोज बगडावत की कथा राजस्थानी कथा Video
श्री भोज बगडावत की कथा राजस्थानी कथा Video