घर में राज लुगाई का Lyrics
घर में राज लुगाई का Lyrics (Hindi)
मां का राज ना बाप की चौधर प्यार रहा ना भाई का,
होगे मर्द गुलाम बीर के घर मैं राज लुगाई का,
मां का राज बहूं नै ले लिया चार्ज घर की ताली का,
आच्छी भूण्डी छोरा बक दे कह्या मान कै चाली का,
घर के धन नै साले बरतैं कुड़ता सिमता ना हाली का,
खाली हाथ बहाण चाली जा सूट सिमा दें साली का,
सास ससुर भी निस्तरगे जो खाज्यां माल जमाई का,
भाई का भाई बैरी होग्या नाड़ काट ले सूते की,
बहु जेठ नै कैह लिकड़ज्या ना पाडुं मुंछ अनपूते की,
मात पिता की कद्र इसी जणुं टूक चुगाऊं कुत्ते की,
इसी बीर को मर्द फेर भी नौंक चाट ले जूते की,
ये सांझै सिर नै बांध कै पड़ज्यां ले ओडा ताप नबाई का,
मां बापां कै तोहमद ला दें बोलैं झूठ डरैं कोन्या,
खून पी लिया घर खा लिया फिर भी कितै मरै कोन्या,
मां बापां का कह्या काम ये बेटा बेटी करैं कोन्या,
बहु और छोरा कदे भूल कै चरणां शीश धरैं कोन्या,
घर का मन्दिर छोड़ कै पूजैं मन्दिर देवी माई का,
आज काल के छैल गाबरू किसे बणे ठणे हांडैं सैं,
घर में भूसे कला करैं ये साहब तणे हांडैं सैं,
दारू सुलफा गांझा पीवै घणे जणे हांडैं सैं,
मेहर सिंह तू के गावैगा ये कवि घणे हांडैं सैं,
लखमीचन्द बणे हांडैं सैं पर बेरा ना कविताई का,
Download PDF (घर में राज लुगाई का )
घर में राज लुगाई का
Download PDF: घर में राज लुगाई का Lyrics
घर में राज लुगाई का Lyrics Transliteration (English)
māṃ kā rāja nā bāpa kī caudhara pyāra rahā nā bhāī kā,
hōgē marda gulāma bīra kē ghara maiṃ rāja lugāī kā,
māṃ kā rāja bahūṃ nai lē liyā cārja ghara kī tālī kā,
ācछī bhūṇḍī छōrā baka dē kahyā māna kai cālī kā,
ghara kē dhana nai sālē barataiṃ kuḍhatā simatā nā hālī kā,
khālī hātha bahāṇa cālī jā sūṭa simā dēṃ sālī kā,
sāsa sasura bhī nistaragē jō khājyāṃ māla jamāī kā,
bhāī kā bhāī bairī hōgyā nāḍha kāṭa lē sūtē kī,
bahu jēṭha nai kaiha likaḍhajyā nā pāḍuṃ muṃछ anapūtē kī,
māta pitā kī kadra isī jaṇuṃ ṭūka cugāūṃ kuttē kī,
isī bīra kō marda phēra bhī nauṃka cāṭa lē jūtē kī,
yē sāṃjhai sira nai bāṃdha kai paḍhajyāṃ lē ōḍā tāpa nabāī kā,
māṃ bāpāṃ kai tōhamada lā dēṃ bōlaiṃ jhūṭha ḍaraiṃ kōnyā,
khūna pī liyā ghara khā liyā phira bhī kitai marai kōnyā,
māṃ bāpāṃ kā kahyā kāma yē bēṭā bēṭī karaiṃ kōnyā,
bahu aura छōrā kadē bhūla kai caraṇāṃ śīśa dharaiṃ kōnyā,
ghara kā mandira छōḍha kai pūjaiṃ mandira dēvī māī kā,
āja kāla kē छaila gābarū kisē baṇē ṭhaṇē hāṃḍaiṃ saiṃ,
ghara mēṃ bhūsē kalā karaiṃ yē sāhaba taṇē hāṃḍaiṃ saiṃ,
dārū sulaphā gāṃjhā pīvai ghaṇē jaṇē hāṃḍaiṃ saiṃ,
mēhara siṃha tū kē gāvaigā yē kavi ghaṇē hāṃḍaiṃ saiṃ,
lakhamīcanda baṇē hāṃḍaiṃ saiṃ para bērā nā kavitāī kā,
घर में राज लुगाई का Video
https://youtu.be/TzNtr24-aT4