नगर नाडोल आशापुरा माँ बिराजे लिरिक्स
Nagar Nadol Aashapura Maa Viraje
नगर नाडोल आशापुरा माँ बिराजे लिरिक्स (हिन्दी)
नगर नाडोल आशापुरा माँ बिराजे,
कलजुग में परचा आपरा,
भारी म्हारा माताजी,
कलजुग में परचा आपरा,
भारी आशापुरा मां,
थोरी लीला माताजी थे ही जाणो।।
सांभर नगरी मां शाकम्बरी केवाया,
नगर नाडोल माई आशापुरा माताजी,
नगर नाडोल माई आशापुरा माताजी,
थोरी लीला माताजी थे ही जाणो।।
सिंह सवारी मैया प्यारी घणी लागे,
कंकु रे वरणो रुप मनडे भावे माताजी,
कंकु रे वरणो रुप मनडे भावे म्हारी आशापुरा,
थोरी लीला माताजी थे ही जाणो।।
अरे कच्छ भुज सु देवी घोडा मंगवाया,
अरे नाडोल गढ़ रो मां राज दिराया,
अरे राव लाखण जी ने दर्शन दीना माताजी,
राव लाखण जी री आस पूराया म्हारी आशापुरा,
थोरी लीला माताजी थे ही जाणो।।
अरे नौ रे नोरता में मेलो रे भरीजे,
अरे दुनिया तो दर्शन करवा आवे म्हारा माताजी,
दुनिया तो दर्शन करवा आवे म्हारी आशापुरा,
थोरी लीला माताजी थे ही जाणो।।
सोनाला खेतलाजी ने मैया संग मे लावो,
सिवरे जणो रे भेली रहीजो म्हारा माताजी,
सिवरे जणो रे भेली रहीजो म्हारी आशापुरा,
थोरी लीला माताजी थे ही जाणो।।
अरे चौहान वंश मैया थाने मनावे,
अरे सिरोही रा देवड़ा मां थाने मनावे,
अरे पूजे पूजे सोनगरा जालोर म्हारा माताजी,
पुजे थाने सोनगरा जालोर म्हारी आशापुरा,
थोरी लीला माताजी थे ही जाणो।।
अरे मनीष सीरवी थारी महीमा बनावे,
जोगाराम प्रजापत महीमा गाय सुनावे,
दीन दुखियों री अरजी सुनलो म्हारा माताजी,
चरने आया री लजीया राखो म्हारी आशापुरा,
थोरी लीला माताजी थे ही जाणो।।
नगर नाडोल आशापुरा माँ बिराजे,
कलजुग में परचा आपरा,
भारी म्हारा माताजी,
कलजुग में परचा आपरा,
भारी आशापुरा मां,
थोरी लीला माताजी थे ही जाणो।।
गायक जोगाराम जी प्रजापत बाड़मेर।
प्रेषक / लेखक मनीष सीरवी।
रायपुर जिला ब्यावर राजस्थान।
नगर नाडोल आशापुरा माँ बिराजे Video
नगर नाडोल आशापुरा माँ बिराजे Video