नन्द जी रा लाला म्हारे घरा आवो नी भजन Lyrics, Video, Bhajan, Bhakti Songs
नन्द जी रा लाला म्हारे घरा आवो नी भजन Lyrics, Video, Bhajan, Bhakti Songs

नन्द जी रा लाला म्हारे घरा आवो नी भजन लिरिक्स

Nand Ji Ra Lala Mhare Ghar Aavo Ni

नन्द जी रा लाला म्हारे घरा आवो नी भजन लिरिक्स (हिन्दी)

नन्द जी रा लाला,
म्हारे घरा आवो नी,
म्हारो हिवडो हरखैला,
थांरा दरस दिखावो नीं।।

म्हे थांरा लाड लडास्यां,
थांनै पालणियै झुलास्यां,
थां सागै रास रचास्यां,
थांनै मीठा गीत सुणास्यां।
थे मुरळी जरा बजाद्यो,
म्हे सागै ढोळ बजास्यां,
थे घूंघरिया घमकाद्यो,
थांनै पळ्कां पै बिठास्यां।
म्हारा कंवर कन्हैया,
मत बिलमावो जी,
म्हारा तरसै दोन्यूं नैण,
थांरी छबि दिखलावो जी।
नंद जी रा लाला,
म्हारै घरां आवो नीं।।

सबरी रो अैंठ्यो खायो,
के आणन्द थांनै आयो,
थे गया बिदुर रै द्वार,
थांनै कोरो साग खुवायो।
मीरां तो पीग्यी दूध,
थांरै जैर पांती आयो,
करमां री बासी राब,
सूखी रोट्यां मं के पायो।
नटखट सांवरिया,
सैं नै छिटकावो जी,
थे आवो म्हारै बीच,
म्हारा हरख बढावो जी।
नंद जी रा लाला,
म्हारै घरां आवो नीं।।

थे म्हारै आंगण आवो,
जी भरकै माखण खावो,
डोवै री राब खुवास्यूं,
कानां मत मन मं सरमावो।
सारी सखियां नै ले आवो,
थांरै ग्वाळां नै ले आवो,
म्हे रबडी खीर बणाई,
कानां धाप-धाप कै खावो।
गोपाळ कन्हैया,
क्यांटै घबरावो जी,
थांरी करस्यां म्हे मनवार,
म्हारै घरां पधारो जी।
नंद जी रा लाला,
म्हारै घरां आवो नीं।।

नन्द जी रा लाला,
म्हारे घरा आवो नी,
म्हारो हिवडो हरखैला,
थांरा दरस दिखावो नीं।।

स्वर: रमा बाई चाण्डक। प्रेषक विवेक अग्रवाल।

Nand Ji Ra Lala Mhare Ghar Aavo Ni Lyrics (English Transliteration)

nanda jI rA lAlA,
mhAre gharA Avo nI,
mhAro hivaDo harakhailA,
thAMrA darasa dikhAvo nIM||

mhe thAMrA lADa laDAsyAM,
thAMnai pAlaNiyai jhulAsyAM,
thAM sAgai rAsa rachAsyAM,
thAMnai mIThA gIta suNAsyAM|
the muraLI jarA bajAdyo,
mhe sAgai DhoLa bajAsyAM,
the ghUMghariyA ghamakAdyo,
thAMnai paLkAM pai biThAsyAM|
mhArA kaMvara kanhaiyA,
mata bilamAvo jI,
mhArA tarasai donyUM naiNa,
thAMrI Chabi dikhalAvo jI|
naMda jI rA lAlA,
mhArai gharAM Avo nIM||

sabarI ro aaiMThyo khAyo,
ke ANanda thAMnai Ayo,
the gayA bidura rai dvAra,
thAMnai koro sAga khuvAyo|
mIrAM to pIgyI dUdha,
thAMrai jaira pAMtI Ayo,
karamAM rI bAsI rAba,
sUkhI roTyAM maM ke pAyo|
naTakhaTa sAMvariyA,
saiM nai ChiTakAvo jI,
the Avo mhArai bIcha,
mhArA harakha baDhAvo jI|
naMda jI rA lAlA,
mhArai gharAM Avo nIM||

the mhArai AMgaNa Avo,
jI bharakai mAkhaNa khAvo,
Dovai rI rAba khuvAsyUM,
kAnAM mata mana maM saramAvo|
sArI sakhiyAM nai le Avo,
thAMrai gvALAM nai le Avo,
mhe rabaDI khIra baNAI,
kAnAM dhApa-dhApa kai khAvo|
gopALa kanhaiyA,
kyAMTai ghabarAvo jI,
thAMrI karasyAM mhe manavAra,
mhArai gharAM padhAro jI|
naMda jI rA lAlA,
mhArai gharAM Avo nIM||

nanda jI rA lAlA,
mhAre gharA Avo nI,
mhAro hivaDo harakhailA,
thAMrA darasa dikhAvo nIM||

नन्द जी रा लाला म्हारे घरा आवो नी भजन Video

नन्द जी रा लाला म्हारे घरा आवो नी भजन Video

Browse all bhajans by Ramabai Chandak

Browse Temples in India