सुख थोड़े दु:ख घने जगत में भजन Lyrics, Video, Bhajan, Bhakti Songs
Receive daily temple updates, divine darshan, and morning bhajans directly on WhatsApp.
Contents
सुख थोड़े दु:ख घने जगत में भजन लिरिक्स
Sukh Thode Dukh Ghane Jagat Mein
सुख थोड़े दु:ख घने जगत में भजन लिरिक्स (हिन्दी)
सुख थोड़े दु:ख घने जगत में,
भोग्या कष्ट सरे राणी,
किस किस के दुःख दूर करे या,
दुनिया दु:खी फिरे राणी।।
कीड़ी कण बिन,
हाथी मण बिन,
नागिण फण बिन दुखिया से,
चकवी मिलन बिन,
बाँझन जणन बिन,
सती सजन बिन दुखिया है,
केहरि वन विन,
सूरा रण विन,
भूखा अन बिन दुखिया से,
विषय भोग बिन,
इन्नी मन विन,
कंगला धन बिन दुखिया से,
पक्षी गगन विन दुखिया से जी,
पिंजरे आन घिरे राणी,
किस किस के दुःख दूर करे या,
दुनियाँ दु:खी फिरे राणी।।
मात कुलखणी मूरख बेटा,
फूहङ नारी दु:खी करे,
बाप के मौसी बुरा पड़ोसी,
ओछी यारी दुःखी करे,
चुगली चाला जुआ जामनी,
चोरी जारी दुःखी करे,
पट पर खेती फसल पछेती,
टेडी क्यारी दुखी करे,
गुप्त बीमारी दुखी करे,
जब चिन्ता चित धर राणी,
किस किस के दुःख दूर करे या,
दुनियाँ दु:खी फिरे राणी।।
खेत उगाला माह में पाला,
खुण्डा फाला दुःखी करे,
भीत में आला पचीत में खाला,
घर में साला दुखी करे,
थोथा सा काढ़,
दिवाला ताला दुखी करे,
नाला दे विगया दाल में काला,
पाँव में छाला,
आंख में जाला दुखी करे,
खर्च कुडाला दुखी करे,
यो कर्जा दुखी कर राणी,
किस किस के दुःख दूर करे या,
दुनियाँ दु:खी फिरे राणी।।
बालू की भीत नीच की बस्ती,
गाल मचोड़ा दुखी करे,
कड़वी भेंस बोलणी उटणी,
वेल लतोड़ा दुखी करे,
मंजिल दूर की बोझ घणा हो,
जातर थोड़ा दुखी करे,
खोरी झटॉसाँड़ मारणा,
अड़ियल घोड़ा दुखी करे,
रण पर फोड़ा दुखी करे,
यो फूटे और भरे राणी,
किस किस के दुःख दूर करे या,
दुनियाँ दु:खी फिरे राणी।।
📖 Related: हमे श्याम प्यारे तेरे नाम का सहारा | Lyrics, Video | Khatu Shaym Bhajans
गरीब सताना रोब जमाना,
क्रोध जगाणा दुखी करे,
मेला सा बाना लागे लाणा,
गाँव में थाणा दुखी करे,
गलती मे आणा मैं मैं उलाणा,
बेर पुराणा दुखी करे,
ज्यादा खाणा पैदल जाणा,
दूर सीमाणा दुखी करे,
सुर विन गाणा दुखी करे,
यो न्यू जगदीश डरे राणी,
किस किस के दुःख दूर करे या,
दुनियाँ दु:खी फिरे राणी।।
सुख थोड़े दु:ख घने जगत में,
भोग्या कष्ट सरे राणी,
किस किस के दुःख दूर करे या,
दुनिया दु:खी फिरे राणी।।
गायक सांवरमल सैनी।
प्रेषक सुभाष सारस्वा काकड़ा।
सुख थोड़े दु:ख घने जगत में भजन Video
सुख थोड़े दु:ख घने जगत में भजन Video