Contents
रामदेव जी रो नाम म्हाने मिठो घणो लागे रे लिरिक्स
Ramdev Ji Ro Naam Mhane Mitho Ghano Lage Re
रामदेव जी रो नाम म्हाने मिठो घणो लागे रे लिरिक्स (हिन्दी)
रामदेव जी रो नाम म्हाने,
मिठो घणो लागे रे,
मिठो घणो लागे रे म्हाने,
प्यारो घणो लागे रे।।
रामदेव जी का मूंग चावल,
रामदेव जी री बाजरी,
रामदेव जी रो घर को धंधो,
रामदेव जी री हाजिरी,
रामदेव जी री प्रसादी सु,
पाप सगळ्या भागे रे,
रामदेव जी रो नाम म्हानें,
मिठो घणो लागे रे।।
रामदेव जी रा टाबर टोली,
रामदेव जी का डोकरा,
दादा दादी मायड़ बापू,
रामदेव जी का छोकरा,
सगला हिल मिल चाला आपा,
रुणिचा के माही जी,
रामदेव जी रो नाम म्हानें,
मिठो घणो लागे रे।।
रामदेव जी राम महल मालिया,
रामदेव जी का झोपड़ा
रामदेव जी रा खेत माही,
हरिया हरिया रुखड़ा,
रामदेव जी का पर्चा देखो,
लागे सबने प्यारा रे,
रामदेव जी रो नाम म्हानें,
मिठो घणो लागे रे।।
रामदेव जी रा बाजा ढोलक,
रामदेव जी बजावनिया
रामदेव जी रे भजना माही,
रामदेव जी गावनिया,
शरणागत की चिंता सारी,
रामदेव जी ने लागे रे,
रामदेव जी रो नाम म्हानें,
मिठो घणो लागे रे।।
रामदेव जी री लीला गांवा,
रामदेव जी री कीर्ति,
बोले चाले दिखे सो वे,
रामदेव जी की मूर्ति,
हरजी भाटी गुण थारा गावे,
दास गोपालो नाचे रे,
रामदेव जी रो नाम म्हानें,
मिठो घणो लागे रे।।
रामदेव जी रो नाम म्हाने,
मिठो घणो लागे रे,
मिठो घणो लागे रे म्हाने,
प्यारो घणो लागे रे।।
गायक गोपाल सोनी रतनगढ़।
रामदेव जी रो नाम म्हाने मिठो घणो लागे रे Video
रामदेव जी रो नाम म्हाने मिठो घणो लागे रे Video
